«Qazaqstannyń turǵyn úı qurylys jınaq bankiniń» mamandary memlekettik jáne jeke baǵdarlamalar sheńberinde naryqtyq baǵadan áldeqaıda tómen baǵamen satylatyn páterlerdi jýrnalısterge jáne blogerlerge tanystyrdy. Qala mańyndaǵy múmkindigi mol shaǵyn aýdan bolyp sanalatyn Qaraǵaılyda aldaǵy ýaqytta kóptegen nysandar boı kótermekshi.
«Nurly jer» baǵdarlamasy boıynsha nesıelik turǵyn úı qurylysynyń bir sharshy metri 140 myń teńge, osy baǵdarlama aıasyndaǵy «Báıterek Development» AQ nesıelik turǵyn úıi 147 myń teńge, al «О́z úıim» baǵdarlamasy boıynsha 1 sharshy metr úshin 165 myń teńge dep belgilengen.
QR UEM Statıstıka komıtetiniń málimetine súıensek, Semeı qalasynda 2019 jyldyń shilde aıy boıynsha jańa turǵyn úıdiń ortasha baǵasy 1 sharshy metr úshin 204,7 myń teńgeni quraıdy eken. Sonymen qatar, qurylys salýshylarǵa qurylys sapasy boıynsha talaptar joǵary bolyp tabylady. «Qazaqstannyń turǵyn úı qurylys jınaq banki» arqyly páterlerdi ıpoteka arqyly tıimdi sharttarmen satyp alýǵa ábden bolady.
- Qurylys aıaqtalǵan soń salynǵan barlyq úıler eki jyl boıy bizdiń qaraýymyzda, ıaǵnı kepildikke alynǵan. Biz birinshi kezekte qurylys salýshy retinde, qala turǵyndaryna bizdiń páterlerimizdiń jaıly bolýyna, onda jaqsy ómir súrýine múddelimiz. Qurylys jumystaryn júrgizý kezinde biz barlyq tehnologııalyq reglamentter men úrdisterdi qatań saqtaımyz. Árqashan ashyq jáne qoljetimdi túrde turǵyndar tarapynan qoıylǵan barlyq suraqtarǵa tez jaýap berýge daıynbyz. Bizdiń kompanııa 2003 jyldan bastap jumys isteıdi. Al 2015 jyldan bastap halyqty qoljetimdi turǵyn úımen qamtamasyz etý boıynsha memlekettik baǵdarlamalarǵa belsendi qatysýda,-dedi «Vostok-stroı» kompanııasy» JShS dırektory Ádilet Bordatqan.
Búgingi kúni 2019 jyly Semeı qalasyndaǵy Bank fılıaly 228 páterdi, onyń ishinde memlekettik baǵdarlamalar sheńberinde 192 páterdi jáne menshikti baǵdarlamalar sheńberinde 36 páterdi satýdy josparlap otyr.
Qala turǵyndary «Nurly jer» baǵdarlamasyna oraı Banktiń bes túrli baǵdarlamasyna qatysa alady eken. ShQO aımaqtyq, «Nesıelik turǵyn úı qurylysy», «Báıterek Development» nesıelik turǵyn úıi jáne «Baqytty otbasy» men Banktiń «О́z úıim» baǵdarlamalary.
«Nesıelik turǵyn úı qurylysy» baǵyty boıynsha qatysýǵa ótinim berý sátinde menshiginde jyljymaıtyn múlki joq azamattar úmitker bola alady. Bunda bastapqy jarnany 20% mólsherinde jınaıdy. Bul rette jaqynda ǵana, aımaq turǵyndary úshin óńirde turaqty tirkeýde bolýy jáne sońǵy bes jylda jyljymaıtyn múlikti ıelenýi tıis degen talaptar múlde alynyp tastaldy.
«О́z úıim» baǵdarlamasy boıynsha bank salymshylary turǵyn úı qunynyń 20% mólsherinde bastapqy jarnany jınaı otyryp, páterlerdi satyp ala alady eken. Qaryz boıynsha syıaqy mólsherlemesi jyldyq 7% quraıdy (odan ári 4,5-5% deıin tómendetýmen).
- «О́z úıim» baǵdarlamasy aıasynda bank fılıaly jaqynda jalpy kólemi 147 páter men 8 675,1 sharshy metrlik úsh turǵyn úıdi salý jáne satý boıynsha yntymaqtastyq týraly kelisimge qol qoıdy,-deıdi bank qyzmetkerleri.
Bank halyqtyń áleýmettik osal toptaryna arnalǵan arnaıy baǵdarlamalardy belsendi túrde iske asyrýda. Qazirgi ýaqytta «Baqytty otbasy» baǵdarlamasy boıynsha ótinimder qabyldaý qarqyndy júrýde. Osy baǵdarlama sheńberinde qaryz somasynan 10% mólsherinde bastapqy jarnany jınaqtap, jyldyq 2% mólsherleme boıynsha 19 jylǵa deıingi merzimge qaryz alýǵa bolady.
Baǵdarlama boıynsha páterlerdi bastapqy naryqta da, qaıtalama turǵyn úı naryǵynda da satyp alýǵa bolady. Baǵdarlamany júzege asyrý bastalǵannan beri 168 mln teńge somasyna ótinimder maquldanyp, sonymen qatar 634 mln teńgege 75 ótinim berildi. Barlyq iske asyrylatyn nysandar týraly baspana.kz saıty arqyly bilýge bolady eken.
Sondaı-aq Semeı qalasy aqparattyq ortalyǵynyń málimetinshe TQJB salymshylary «Nurly jer» baǵdarlamasy boıynsha banktiń hcsbk.kz nemese baspana.kz portaldaryna kirip unaǵan páterin tańdaı alady.
– Búgingi tańda turǵyn úı qurylys jınaq bankiniń ónimderi men baǵdarlamalary turǵyn úı naryǵynda qoljetimdi, sondyqtan olar halyq arasynda óte suranysqa ıe. Kún saıyn bizdiń qalada turǵyn úı qurylys jınaq bankiniń 50 jańa salymshylary paıda bolady. Osy jyldyń basynan bastap biz 1 101 nesıe berdik. Bul sandar – eldegi eń basty áleýmettik máseleni tıimdi sheshýdiń aıqyn kórinisi, – dep túsindirdi Aıbek Jarlyǵapov.
Aıbek Jarylǵapov «Baqytty otbasy» baǵdarlamasynyń júzege asyrylý barysy týraly atap ótti. Jaqynda osy baǵdarlama aıasynda Semeı qalasynyń turǵyny Laýra Turdına jańa qonysqa ıe bolǵan. Ol «tolyq emes otbasy» sanaty boıynsha turǵyn úı satyp aldy. Qazirgi ýaqytta qalada 100-ge jýyq ótinish berilip, onyń 27-isi oń sheshim alypty. Bul baǵdarlama baqytqa bastaıtyn jol ekendigin ańǵartady.
SEMEI
