QAZAQSTANDYQ ÚLESTI ARTTYRÝ ÚShIN

Qazirgi kezde Elbasy N.Nazarbaevtyń Qazaq­stan halqyna jyl saıynǵy joldaýlaryn iske asyrý maqsatynda elimizdiń jer-jerinde otandyq úlesti arttyrý, óndiris oryndaryn kóbeıtý, bank salasynda otandyq ónimdi jetkizýshiler men qyzmet kórsetýshilerge qoldaý kórsetý jumystarynyń atqarylyp jatqany belgili. Osy kúnderi bul sharalardyń negizgi úıles­tirýshisi Indýstrııa jáne jańa tehnologııalar mınıstrligi bolsa, “Samuryq-Qazyna” qory men onyń quramyna kiretin “Qazaqstannyń Damý banki” AQ Úkimetke otandyq úlesti arttyrýda jáne onyń basqa da baǵdarlamalaryn iske asyrýda barynsha qoldaý kórsetip jatqan qurylymdardyń biri bolyp otyrǵany málim. Taıaýda Astanada osy máselege baılanysty “Qazaqstannyń Damý banki” AQ-tyń uıymdas­tyrýymen “Qazaqstandyq úles. Qazaqstan­nyń Damý bankiniń zaem alýshylardy qoldaý sharalary” atty taqyrypta jıyn ótip, onda atalmysh mınıstrlik pen qurylymdar basshylary tarapynan otandyq úlesti arttyrýda Úkimettiń ustanǵan saıasaty men júzege asyryp jatqan sharalary týraly keńirek málimet berildi. Onda “Qazaqstannyń Damý banki” AQ-tyń basqarma tóraǵasy Ǵalı Esqalıev banktiń zaem alýshylardy qoldaý sharalary, “Samuryq-Qazyna-Kontrakt” JShS bas dırektorynyń orynbasary Nurlan Nurǵalıev otandyq taýar óndirýshilerdi qoldaý qazaqstandyq úlesti damytýdyń bir tásili ekendigi jóninde óz pikirlerin bildirse, “Qazaqstandyq kelisim-shart agenttigi” AQ-tyń basqarma tóraǵasynyń orynbasary Qurmanǵazy Nuǵymanov, Indýstrııa jáne jańa tehnologııalar vıse-mınıstri Erhat Esqalıev, “Qazaqstannyń Damý banki” AQ-tyń basqarma tóraǵasynyń orynbasary Músilim Bektep, mınıstrliktiń Syrtqy saýda saıasaty departamentiniń ókili Janel Kóshki­nova men basqa da mamandar satyp alýda otandyq úlesti qamtamasyz etý, birlesken kásiporyndar qurý men Kedendik odaq aıasynda qazaqstandyq úlesti arttyrý máseleleri boıynsha oılarymen bólisti. Sonymen birge, munda otandyq shıkizatty qaıta óńdeý úshin jańa kásiporyndar qurý, tıimdi jobalardy iske asyrý men jańa ónimderdi ótkizý maqsatynda banktiń zaem alýshylardy jáne onyń quramyndaǵy “Qazaqstannyń Damý banki-Lızıng” AQ-tyń lızıng alýshylaryn qoldaý máseleleri qaraldy. Jıynda osy máseleni talqylaý barysynda “Qazaqstannyń Damý banki” AQ-tyń zaem alýshylary men taýar jetkizýshi kompanııalar arasynda yntymaqtastyq jáne kelisim týraly memorandýmǵa qol qoıyldy. Qazirgi kúni QDB kapıtal syıymdy jáne uzaq merzimdi ınvestısııalyq jobalardy júzege asyrýda tájirıbesi mol, Úkimettiń daǵdarysqa qarsy baǵ­­darlamalaryn iske asyrýshylar arasynda belsendi qurylym retinde elimizdiń ındýstrııalyq strate­gııasynyń negizgi operatorlarynyń biri bolyp otyr­ǵany belgili. Osy kúnderi banktiń negizgi kórsetkishteriniń ósýi, nesıelik portfeldiń kólemi, joǵary reıtıngter, aksıonerler jáne memleket tarapynan kórsetiletin qoldaýy men menedjmenti alǵa qoıylǵan strategııalyq maqsattardy utymdy sheshýge múmkindik berýde. Atalǵan jıynda oǵan qatysqan “Qazaqmys korporasııasy” JShS, “Arselor Mıttal Temirtaý” AQ, “О́skemen tıtan-magnıı kombınaty” AQ, “Teńizshevroıl”  JShS, ENRC, North Caspian Operating Company kompanııalarynyń ókilderi “Qazaqstannyń Damý banki” AQ-tyń osy baǵyttaǵy jumysyna nazar aýdaryp, onyń otandyq úlesti arttyrýdaǵy sharalaryna qoldaý bildiretinderin málimdedi. Dastan KENJALIN.