Sýretterdi túsirgen Rafhat HALELOV
Jańa ortalyqtyń ashylý saltanatyna Batys Qazaqstan oblysynyń ákimi Ǵalı Esqalıev, Batys Qazaqstan oblystyq sotynyń tóraǵasy Bek Ámetov, Batys Qazaqstan oblysy Qazaqstan halqy assambleıasy hatshylyǵynyń meńgerýshisi Ǵaısa Qapaqov, medıatorlar, Bıler odaǵy men prokýratýra ókilderi, advokattar, sot oryndaýshylary qatysty.
- Tatýlasý ortalyǵynyń negizgi maqsaty – daý-damaıdy sottan tys sheshýdiń júıeli jáne keshendi júıesin uıymdastyrý. Sondaı-aq munda aqparattyq, zańgerlik, basqa da qyzmetter men keńester kórsetiledi. Daýlardy medıasııa arqyly órkenıetti shesheıik, - deıdi Batys Qazaqstan oblystyq tatýlasý ortalyǵynyń jetekshisi Alýa Rahısheva.
Jańa ǵımaratta Bıler odaǵy múshelerine, medıatorlarǵa, psıhologqa arnalǵan jeke bólmeler bar. Sondaı-aq mundaǵy Quqyq qorǵaý qyzmetteri ortalyǵynda prokýror, Qazaqstan Respýblıkasy Bas Prokýratýrasynyń Quqyqtyq statıstıka jáne arnaıy esepke alý jónindegi komıteti BQO basqarmasy qyzmetkeri, polısııa, probasııa, jeke sot oryndaýshysy, zańger kelýshilerge qyzmet kórsetedi.
Búginde Batys Qazaqstan oblysynda medıasııa, daýlardy sotqa deıin sheshý dástúri qanat jaıyp keledi. Sońǵy derekterge qaraǵanda óńirde 143 medıasııa kabıneti, 142 qoǵamdyq medıator, 31 kásibı medıator jumys isteıdi. Sonyń nátıjesinde kúni búginge deıin 1451 daý medıatorlardyń kómegimen sheshilgen.
Batys Qazaqstan
