2019 jyldyń 7 aıynda respýblıkada jiti "S" vırýstyq gepatıtiniń 35 jaǵdaıy tirkeldi. Aýrýshańdyq kórsetkishi 100 myń turǵynǵa shaqqanda 0,19 qurady. 14 jasqa deıingi balalar arasynda 12 bala tirkelgen. 100 myń balaǵa shaqqanda 0,23. Balalar arasynda JVGS jaǵdaıy Nur-Sultan qalasynda (6), Almaty qalasynda (3), Aqmola, Qaraǵandy, Shyǵys Qazaqstan oblystarynda (1-den) tirkelgen.
Sonymen qatar, sońǵy 20 jyldaǵy elimizde JVGS shaldyqqandar 2,8 esege (1999 j. - 229 sl., 2018 j. - 79 sl.) tómendegeni baıqalady. Keńeste onkogemotologııalyq aýrýlary bar balalar arasynda "S" vırýstyq gepatıtin juqtyrǵandar máselesi de qaraldy. 7 aı ishinde 2019 jyly Ana men bala ǵylymı ortalyǵynda em alǵan balalar arasynda 13 jaǵdaı tirkelgen. VSG, onyń ishinde JVGS - 6 jaǵdaı jáne sozylmaly vırýstyq gepatıt "S" - 7 jaǵdaı. Gepatıt anyqtalǵan ABUǴO-nyń balalary buǵan deıin respýblıkanyń basqa óńirlerindegi medısınalyq uıymdarda em alǵan.
Taýarlar men qyzmetterdiń qaýipsizdigin baqylaý komıteti tóraǵasynyń orynbasary Nurhan Sádýaqasov atap ótkendeı, pasıentter arasynda "S" gepatıti boıynsha júrgizilgen tekserý onkogematologııalyq pasıentter buryn emdelgen medısınalyq uıymdarda juqtyrǵanyn kórsetedi.
Transfýzıologııa ǵylymı-óndiristik ortalyǵynyń dırektory Sanııa Abdrahmanova Qazaqstanda donorlyq qan qaýipsizdigin qamtamasyz etý týraly baıandady. Ol ınfeksııanyń donorlyq jolmen berilý múmkin emestigin atap ótti. Abdrahmanovanyń aıtýynsha, aýrýhanaishinde, ınvazıvti emsharalardy júrgizý kezinde ınfeksııalyq baqylaýdyń qazirgi zamanǵy standarttaryn saqtamaýdyń saldarynan gepatıt «S» juqtyrý qaýipi joǵary.
Osyǵan baılanysty Nur-Sultan qalasyndaǵy Taýarlar men qyzmetterdiń sapasy men qaýipsizdigin baqylaý departamenti "S" gepatıtin juqtyrý týraly qorytyndy shyǵardy.
2019 jyl ishinde TTQSBD Nur-Sultan qalasynda 3 tekseris ótkizildi. Tekserý barysynda dezınfeksııalyq-sterıldeý rejıminiń buzylǵany anyqtaldy. Tekserý qorytyndysy boıynsha 9 kináli tulǵa ákimshilik jaýapkershilikke tartyldy. Aıta ketý kerek, basqa óńirlerdiń medısınalyq uıymdarynda buǵan deıin aýyrǵan balalar emdelip, tekserý júrgizildi jáne anyqtalǵan buzýshylyqtar boıynsha ákimshilik sharalar qabyldandy.
Densaýlyq saqtaý mınıstri bir aı ishinde DSM Ulttyq Qoǵamdyq densaýlyq ortalyǵy TTQSB birlesip, CDC halyqaralyq sarapshylaryn jáne basqa da uıymdardy tarta otyryp, ınfeksııalyq baqylaý salasyndaǵy standarttar men buıryqtarǵa aýdıt júrgizýdi jáne bıyl jyl sońyna deıin normatıvtik qujattardy qaıta qaraýdy; onkogematologııalyq aýrýlarmen aýyratyn naýqastarǵa kómek kórsetetin medısınalyq uıymdardy joǵary qaýipti obektilerge jatqyzýdy, al TTQSB standarttardyń saqtalýyn qamtamasyz etýdi tapsyrdy.
Sonymen qatar, bıyldan bastap barlyq pasıentter vırýsqa qarsy tıimdi emmen qamtylǵanyn atap ótý qajet. 2018 jyldan bastap mınıstrlik "S" vırýsty gepatıti bar naýqastardy emdeý úshin "Sofosbývır" jańa joǵary tehnologııalyq dárilik zatty satyp alýǵa qarjy bóledi. Bıýdjettik qarajatty únemdeý esebinen josparlanǵan 4 myń adamnyń ornyna 18 myń adam emdeledi.
Qazaqstanǵa BUUDB úsh jyldyq kelisim aıasynda "S" gepatıtine qarsy 4,1 mln AQSh dollaryna (1,5 mlrd teńge) dári jetkiziledi.
Osylaısha, "S" vırýsty gepatıti bar naýqastar tıimdiligi joǵary jańa "Sofosbývır+Daklatasvır" emdelý múmkindigine ıe boldy (kýrstyń tıimdiligi dáleldengen jáne 90% jetedi). 2018-2019 jyldary 21 191 naýqas em alady.
