Munaıshylardy quttyqtaýǵa arnaıy kelgen oblys ákimi Ońdasyn Orazalın qara altyn óndirý salasynda eńbek etken ardagerler men óndiris mamandaryna merekelik medal tabys etti.
«Munaıshylar men gaz salasy qyzmetkerleriniń eńbegi ulttyq ekonomıkany damytýǵa jáne halyqtyń ál-aýqatyn arttyrýǵa qomaqty úles qosýda. Elimiz boıynsha Aqtóbe oblysy iri ónerkásiptik aımaqtardyń biri, al taý-ken óndirisi aımaq ekonomıkasyn damytýdyń negizgi draıveri. Respýblıkada óndiriletin munaı men gaz kóleminiń 7 paıyzy Aqtóbe óńirinde óndiriledi», - dep atap ótti aımaq basshysy.
О́ńirde jyl saıyn 6 mln tonna munaı jáne 7 mlrd tekshe metr kóleminde gaz óndiriledi. 25 myń azamat óndiriste jáne 15 myń adam qyzmet kórsetý kompanııalarynda jumys isteıdi.
Merekelik jıynda estrada juldyzdary óner kórsetip, kelýshilerge kóterińki kóńil-kúı syılady.
