Aımaq basshysy aldymen «Bilim berý mazmunyn jańartý boıynsha ınnovasııalyq alań» taqyrybynda uıymdastyrylǵan bilim kórmesin tamashalady. Kórmede Nur-Sultan, Almaty qalalarynyń «Oqýlyq» respýblıkalyq ǵylymı-praktıkalyq, «Almaty kitap», «Atamura» baspalarynyń, «Platonus» JShS, «Kazınterservıs» JShS jáne jáne «BilimLand» bilim berý ortalyqtarynyń aqparattyq-kommýnıkatıvtik tehnologııalary usynyldy.
Aýqymdy jıynǵa QR Bilim jáne ǵylym mınıstrliginiń ókili Y.Altynsarın atyndaǵy Ulttyq bilim akademııasynyń prezıdenti Janbol Jılbaev, Nur Otan» partııasy Aqtóbe oblystyq fılıaly tóraǵasynyń orynbasary, oblystyq basqarmalar men aýdandyq, qalalyq bilim bólimderiniń basshylary, aýdan, qala ákimderi men ákimderdiń orynbasarlary, depýtattar, oblystyq, qalalyq jáne aýdandyq máslıhattardyń hatshylary, kásipodaq uıymdarynyń tóraǵalary, úkimettik emes uıymdardyń ókilderi, joǵary oqý oryndarynyń rektorlary qatysty.
Janbol Jılbaev bilim jáne ǵylym mınıstrligi tarapynan atqarylyp jatqan jumystarǵa sholý jasady. Sondaı-aq, QR Bilim jáne ǵylym mınıstrligi tarapynan 2 ardager ustaz «Eńbek ardageri», 8 pedagog «Ybyraı Altynsarın» jáne 8 ustaz «Bilim berý isiniń qurmetti qyzmetkeri» tósbelgilerimen marapattaldy.
Plenarlyq otyrysta Aqtóbe oblysy bilim basqarmasynyń basshysy Lázzat Orazbaeva oqý jylynyń qorytyndysy men jańa oqý jylynyń maqsat-mindetteri týraly baıandady.
Basqarma basshysy óz sózinde jańa oqý jylyndaǵy basty jańalyqtar «Pedagog mártebesi týraly» Zań qabyldanyp, 2025 jylǵa deıingi bilim men ǵylymnyń jańa Memlekettik baǵdarlamasy bekitiletindigin aıtyp ótti.Sondaı-aq, oblys ustazdarynyń jalaqysy 2024 jylǵa deıin 166 myń teńgege deıin joǵarylaıtyndyǵyn jetkizdi.
Jıyn barysynda Qazaq sport jáne týrızm akademııasynyń grant ıegeri, «Aıala» ortalyǵynyń tárbıelenýshisi A.Tkachýk, jáne oblys ákiminiń grantyn ıelengen oqýshynyń ata-anasy Gúlzına Ýtebaeva oblys basshysy Ońdasyn Orazalınge alǵystaryn bildirdi.
Jıyndy qorytyndylaǵyn oblys basshysy ustazdarǵa alǵysyn bildirip, basqarma basshysyna aldaǵy ýaqytta bili saladaǵy túıitkildi máselelerdiń sheshimin tabýdy júktedi.
«Pedagogtar qaýymynyń kásibı biliktiligin únemi damytý kerektigi búgingi kúnniń ózekti máselesi. Ustazdarǵa júkteletin jaýapkershilik te zor, talap ta árdaıym joǵary. Oqýshylarǵa tıisti dárejede bilim berý, izdenimpazdyq, ózine talap qoıýshylyq – pedagogtyń eń basty ustanymy bolýy tıis. Balanyń tárbıeli bolyp jetilýi – muǵaliminiń óz isine degen adaldyǵyna tikeleı qatysty bolmaq»-dedi Ońdasyn Orazalın.
Oblys ákimi 21 pedagog mamanǵa 100 myń teńge kólemindegi syıaqy jáne alǵys hat, sondaı-aq, «Orta bilim beretin úzdik uıym» grantyn berýge arnalǵan konkýrstyń jeńimpazdaryna 3 mln 758 myń teńge men 8 mln teńge aralyǵyndaǵy sertıfıkatty tabys etti.
