Jóndeý jumystarymen qatar, Qordyń bastamasymen mektepterde aǵash terezeler plastıkten jasalǵan terezelerge, eski fýtbol alańy jańasyna aýystyryldy. Sondaı-aq, qalpyna keltirilgen barlyq mektepter jańa mektep jıhazymen jabdyqtaldy. Sonymen qatar, qosymsha jańa mektep múkámmaly satyp alyndy.
"Biz áleýmettik ınfraqurylymnyń 68 nysanyn qalpyna keltirdik, biraq jańa oqý jylyn eskere otyryp, mektepterge erekshe nazar aýdaryldy. Búgin bul tek oqýshylar men olardyń ata – analary úshin ǵana emes, sonymen qatar biz úshin - qurylysshylar úshin de mereke", - dedi "Samruk Kazyna Construction" AQ Basqarma tóraǵasynyń birinshi orynbasary Arman Jetpisbaı.
Aıta ótken jón, 1 shildede Qor 16 mektep, 36 balabaqsha, 8 Densaýlyq saqtaý nysany, 4 sport nysanasyn, kolledj, Temirjol vokzaly, Dańq alleıasy jáne ortalyq alańdy qıraǵan áleýmettik nysandardy jóndeý jumystaryn bastady.
Búgingi tańda Arys qalasynda qor qalpyna keltiretin 68 áleýmettik ınfraqurylym nysandarynyń 63 nysany paıdalanýǵa berildi. Qaıta qalpyna keltirilgen qalǵan 5 nysan qyrkúıek jáne qazan aılarynda tapsyrylady. Olardyń qatarynda jedel medısınalyq kómek jáne stomatologııa bólimsheleri, vokzal, balalar jasóspirimder sport mektebi men balabaqsha bar.
Arys qalasyn qalpyna keltirý jáne qurylys jumystaryna Qor 7 mlrd teńge bóldi. Qordyń atynan jobanyń operatory - "Samruk Kazyna Construction" AQ.
Aıta ketken jón, shilde aıynda "Samuryq-Qazyna "UÁQ" AQ Basqarma Tóraǵasy Ahmetjan Esimov Arys jáne Túrkistan qalalarynda boldy. Qurylys jumystarynyń barysymen tanysqannan keıin Qor basshysy josparǵa sáıkes ýaqytyly jumystardy oryndaý týraly tapsyrma berdi. QR Prezıdenti K. K. Toqaevtyń jáne Úkimettiń tapsyrmasy boıynsha qor Arys qalasyn qalpyna keltirýge belsene qatysty.
