Qazaqstandaǵy alǵashqy oıyn-saýyqtyq arna 2018 jyldyń 1 qyrkúıeginde tusaýyn kesti. Telearna efırinen ázil-syqaq baǵytyndaǵy baǵdarlamalar, taqyryptyq konsertter, shyǵarmashylyq keshter, sondaı-aq, ázilge qurylǵan telehıkaıalar men sıtkomdar kórsetiledi.
"Basty maqsaty – qazirgi naryqta bar qazaq ázilin bir ortaǵa toǵystyryp, kórermenge sapaly teleónim usyný. Kúnine 20 saǵat boıy habar taratatyn arna kópshilikke «Otau TV» ulttyq jerseriktik teleradıo habar taratý jelisi jáne «Alma TV», «ID TV» kabeldik operatorlary arqyly qoljetimdi. 2019 jyly respýblıka aýmaǵynda habar taratatyn mindetti telearnalar tizimine endi" dep jazylǵan teleradıokorporasııanyń baspasóz qyzmeti taratqan málimette.
Bir jyl ishinde «Tamasha TV» arnasynyń «Ázil-Dastan», «Bári keldi», «Tamasha Club», «Tamasha_like», «Jorǵa suhbat», «KúlTube», «Merekeńizben!», «Bir ǵanıbet», baǵdarlamalary kópshilikke keńinen tanylyp úlgerdi. Sondaı-aq teleradıokorporasııa muraǵatynda jyldar boıy saqtalǵan, kezinde kórermenniń kóńilinen shyqqan tanymal oıyn-saýyqtyq baǵdarlamalar usynylyp keldi.
Aıtpaqshy, búginnen bastap arna kórermenge jańa logotıppen jol tartty. Sonymen qatar telearna «Túngi qala», «Qosh kórdik», «Improvız shoý», «The О́mir» sııaqty birneshe jańa jobasyn usynady.
