Meniń oıymsha, Prezıdenttiń Qazaqstan halqyna arnaǵan Joldaýynda eldegi eń ózekti máselelerdiń bári qamtyldy. Iаǵnı, Prezıdent jaǵdaıdy baqylap, bilip otyr. Biz jýyrda ǵana batys óńirinde bolyp, saılaýshylarymyzben kezdestik. Sonda aıtylǵan elimizdiń problemalardyń barlyǵy búgingi Joldaýda kóterilip jatqanyna qatty qýanyp otyrmyn. Máselen, týrıstik klasterdi kóterýde qandaı máselelerdi qaýzaý kerek, qandaı suraqtardyń tóńireginde jumys isteý kerektigine Memleket basshysy jan-jaqty toqtaldy. Men Prezıdent Joldaýyndaǵy kóp máselelerdiń ishinen halyqty áleýmettik qoldaý tetikterin erekshe atap óter edim. Onyń ishinde kólik qatynasyna qatysty máseleler kóterildi. Jańaózen qalasynda saılaýshylar Mańǵystaý óńirine jetý, temir jolmen qatynaý qıyndyǵyn, áýe qatynasynyń baǵasy shekten tys qymbat ekenin aıtqan bolatyn. Búgin Prezıdentimiz osy máselelerdi kóterdi.
Sondaı-aq Prezıdent kelesi jyly uly Abaıdyń 175 jyldyǵyn toı retinde atap ótip qana qoımaı, aqyn shyǵarmalaryn basqa qyrynan uǵynýǵa úndedi. Bul máseleler tóńireginde Parlamenttiń aldynda úlken mindetter tur. Prezıdent saılaýaldy baǵdarlamasyn tolyǵymen júzege asyrýǵa bekinip otyr. Parlament osy rette kóptegen zańdarǵa ózgerister engizýi tıis.
Nurlan DÝLATBEKOV,
Parlament Májilisiniń depýtaty
