Aýyl sharýashylyǵy mınıstri S. Omarov, energetıka mınıstri Q. Bozymbaev, Aqmola oblysynyń ákimi E. Marjyqpaev, Qostanaı oblysynyń ákimi A. Muhambetov, Soltústik Qazaqstan oblysynyń ákimi Q. Aqsaqalov, Jambyl oblysynyń ákimi A. Myrzahmetov, Túrkistan oblysynyń ákimi О́. Shókeev, sondaı-aq QR Premer-Mınıstriniń orynbasary J. Qasymbek baıandama jasady.
Bıylǵy jylǵy 1 qyrkúıektegi jaǵdaı boıynsha egin jınaý jumystary respýblıkanyń barlyq óńirlerinde júrgizilip jatyr. 2019 jyly aýyl sharýashylyǵy daqyldary egilgen aýmaq kólemi – 22,2 mln ga (2018 j. deńgeıden 206 myń ga nemese 0,9%-ǵa artyq). Dándi daqyldar – 15,4 mln gektar (onyń 11,4 mln gektary – bıdaı), maıly daqyldar 2,9 mln gektar alańda, maqta – 131,1 myń gektarǵa, qant qyzylshasy – 19,6 myń gektarǵa, kartop pen kókónis-baqsha daqyldary – 452,4 myń gektarǵa, azyqtyq daqyldar – 3,3 mln gektarǵa egilgen.
Jambyl (99,6%) jáne Túrkistan (100%) oblystarynda dándi daqyldardy jınaý aıaqtalý satysynda. Bul óńirler boıynsha astyq túsimi orta eseppen 19 s/ga qurady. Jalpy elimiz boıynsha 4,5 mln ga aýmaqta dándi daqyldar jınaldy - 22,8%. Ortasha túsimdiligi 11,5 s/ga bolǵanda 5,2 mln. tonna astyq bastyryldy.
Egin jınaý jumystaryn ýaqtyly júrgizý úshin qajetti 395 myń tonna janar-jaǵar maı bólindi (aýyl sharýashylyǵy taýarlaryn óndirýshiler úshin ortasha baǵasy 179 teńge/lıtr). Ortasha oryndalý paıyzy – 50%.
QR Premer-Mınıstri Asqar Mamın egin oraǵyn sapaly jáne ýaqytynda ótkizý, birinshi kezekte, aýyl sharýashylyǵy óndirýshilerin janar-jaǵarmaımen qamtamasyz etý boıynsha barlyq qajetti sharalardy qabyldaýdy tapsyrdy.
«Egin jınaýǵa ýaqyt az qaldy. Negizgi astyqty óńirlerde aýa-raıy turaqsyz bolyp tur. Sondyqtan egindi ýaqytynda jınaýmen qatar, jumysty barynsha shyǵynsyz oryndaý óte mańyzdy. Jalpy egin oraǵy naýqanynyń barysy jaman emes. Úkimet tarapynan egin oraǵyn qarjylaı jáne materıaldyq-tehnıkalyq qamtamasyz etý úshin barlyq qajetti sheshimderdi qabyldandy», — dedi Asqar Mamın.
Úkimet basshysy astyq saqtaý kásiporyndarynyń astyqty qoımaǵa ýaqytyly qabyldaýy qajettigine jáne jınalǵan astyqty saqtaýdyń tıisti sharalaryn qamtamasyz etýge erekshe nazar aýdardy.
