Bıyl on altynshy ret uıymdastyrylyp otyrǵan dástúrli is-sharaǵa Almaty qalasynyń «Alataý» folklorly-etnografııalyq ansambli jáne «Otaý» túrki áleminiń án men bı birlestigi jáne alys-jaqyn túrki tildes memleketter men Túrkııanyń barlyq qalalary men provınsııalarynan shyǵarmashylyq toptar qatysty.
Dástúrli óner merekesinde «Alataý» folklorlyq ansambli kórermender nazaryna «Qolbasshy», «Qulager», «Qara jorǵa», «Aı sáýlesi» jáne koptegen t.b. týyndylar usynyp, qazaq halqynyń ulttyq ónerin joǵary deńgeıde tanystyra bildi.
Qazaqstandyq ónerpazdardyń sheberligin túriktiń 50 myńǵa jýyq kórermeni tamashalap, 2 mıllıonnan astam kórermeni bar «Bengıý Túrk» (Bengü Türk) telearnasy tikeleı efırden kórsetti.
Festıval barysynda Qazaqstannyń Túrkııadaǵy Elshiliginiń Keńesshi-ýákili Aıdos Qydyrma is-sharanyń «Rýhanı jańǵyrý» baǵdarlamasy jáne Qazaqstandaǵy «Jastar jyly» aıasynda uıymdastyrylap otyrǵanyn atap ótti.
Sonymen birge A.Qydyrma ónegeli óner merekesin uıymdastyrǵan Etımesgýt aýdany meri Ənýar Demırelge, festıvalǵa «Alataý», «Otaý» ujymdarynyń qatysýyna múmkindik berip, qoldaý kórsetken Almaty qalasynyń ákimi Baqytjan Saǵyntaevqa, qalalyq mádenıet basqarmasyna jáne shyǵarmashylyq toptarǵa alǵysyn bildirdi.
Almaty qalasynyń «Alataý» folklorly-etnografııalyq ansambliniń shyǵarmashylyq delegasııasyn qalalyq mádenıet basqarmasynyń bas mamany Aıgerim Senbaeva bastap keldi. «Otaý» birlestigine Elmıra Shendýran jetekshilik etti.
