Bekitilgen qaǵıdaǵa sáıkes, ótinish berýshi satyp alý quqyǵynsyz jalǵa beriletin turǵyn jaıdy alý úshin ýákiletti organǵa mynadaı qujattardy usynady:
1) osy qaǵıdalarǵa qosymshaǵa sáıkes nysan boıynsha ótinish;
2) ótinish berýshiniń jeke basyn kýálandyratyn qujattyń kóshirmesi (túpnusqa jeke basyn sáıkestendirý úshin usynylady);
3) bilimi týraly qujattyń kóshirmesi;
4) neke qııý týraly kýáliktiń kóshirmesi (bar bolsa);
5) balalardyń týý týraly kýáliginiń (teriniń) kóshirmesi (bar bolsa);
6) ótinish berýshige jáne otbasynyń barlyq múshelerine jyljymaıtyn múliktiń joq (bar) ekendigi týraly anyqtama;
7) jumys ornynan anyqtama;
8) ótinish berýshiniń aı saıynǵy tabysyn keminde 40 (qyryq) aılyq eseptik kórsetkish mólsherinde rastaıtyn sońǵy alty aı ishindegi tabysy týraly anyqtama;
9) Qazaqstan Respýblıkasy Eńbek kodeksiniń 35-babyna sáıkes eńbek ótilin rastaıtyn qujattar;
10) banktik shottyń bolýy jáne nómiri týraly anyqtama jáne banktik shot boıynsha aqshanyń qaldyǵy jáne qozǵalysy týraly úzindi;
11) ótinish berýshiniń túrli qyzmet salalaryndaǵy jeke jetistikterin rastaıtyn qujattar (bar bolsa).
Baldardy esepteý baldyq júıe boıynsha júzege asyrylady:
1) Qazaqstan Respýblıkasy Úkimetiniń 2018 jylǵy 13 qarashadaǵy №746 qaýlysymen bekitilgen Nátıjeli jumyspen qamtýdy jáne jappaı kásipkerlikti damytýdyń 2017 - 2021 jyldarǵa arnalǵan «Eńbek» memlekettik baǵdarlamasyna sáıkes halyqty jumyspen qamtý máseleleri boıynsha ýákiletti organ bekitken naryqta 100 (júz) suranysqa ıe kásipter tizbesine sáıkes kásipti meńgergen ótinish berýshige –10 ball;
2) otbasy bolǵan jaǵdaıda – 5 ball, nekede tirkelgen árbir jyly úshin – 2 ball;
3) 1 (bir) bala bolǵan jaǵdaıda – 1 ball, árbir keıingi bala úshin – 2 ball;
4) jeke kásipkerlik qyzmetti júzege asyrǵan kezde keminde 1 jyl – 5 ball, árbir jyl úshin – 1 ball;
5) ótinish berýshiniń túrli qyzmet salalarynda jeke jetistikteri bolǵan jaǵdaıda - 2 ball;
6) bıýdjettik uıymdardaǵy eńbek qyzmeti úshin (memlekettik mekemelerde men memlekettik kásiporyndarda) – 5 ball, ótiliniń árbir jyly úshin – 1 ball;
7) ekinshi deńgeıli bankterdiń jınaq shottaryndaǵy (depozıtterindegi) jınaqtardyń árbir jyly úshin – 2 ball. Baldar teń bolǵan jaǵdaıda ótinish bergen kúnnen buryn ótinish bergen úmitkerler basymdyqqa ıe bolady. Satyp alý quqyǵynsyz jalǵa beriletin turǵyn úı 5 jyl merzimge beriledi.
