Memleket basshysy Djek Many Qytaı Halyq Respýblıkasynyń 70 jyldyq merekesimen jáne «Alibaba Group» kompanııasynyń qurylǵanyna 20 jyl tolýymen quttyqtap, eki el arasyndaǵy strategııalyq áriptestikte zamanaýı tehnologııa salasy mańyzdy ról atqaratynyn aıtty.
– Men sizdiń Qazaqstanǵa qoldaý kórsetem degen nıetińizdi joǵary baǵalaımyn. Biz Qazaqstan men Qytaıdyń arasyndaǵy sıfrlyq ekonomıkany damytýǵa qatysty strategııalyq kelisim jasadyq. Osy iske sizdiń de atsalysqanyńyzdy qalaımyz,– dedi Qasym-Jomart Toqaev.
О́z kezeginde álemdegi eń aýqatty adamdardyń biri Djek Ma Qazaqstanda birneshe ret bolǵanyn, bizdiń eldiń mádenıeti men adamdary erekshe áser qaldyrǵanyn jetkizdi. Ol óziniń tájirıbesin qazaqstandyqtarmen bólisýge daıyn ekenin málimdedi.
«Alibaba Group» kompanııasy Dırektorlar keńesiniń tóraǵasy Chjan Iýn Memleket basshysyna álemdik ınternet saýdanyń kóshbasshysy sanalatyn ujymnyń tarıhy men qyzmeti jaıynda, qalyptasqan ózindik dástúri týraly, bolashaqtaǵy josparlary men elektrondy kommersııadaǵy jańa trendter haqynda baıandady.
