«Memleket basshysy Qasym-Jomart Toqaevtyń shet elderge, óńirlerge saparyna qatysty aıtar bolsam, kelesi aptada eki óńirge – Soltústik Qazaqstan jáne Aqmola oblystaryna sapary aldyn ala josparlanǵan. Ýaqytyn qosymsha habarlaımyz», - dedi Berik Ýálı.
Prezıdent kómekshisi Murat Nurtileýov AQSh-qa sapar týraly derektermen bólisti.
«О́zderińiz bilesizder, syrtqy saıasatta óte belsendi jumys jalǵastyryp kelemiz, sabaqtastyq, jańa bastamalar bar. Kelesi aptada Qasym-Jomart Kemelulynyń BUU Bas assambleıasynyń 74-sessııasyna qatysýy josparlanǵan. Onyń barysynda Memleket basshysy klımattyq sammıtke qatysady. Sodan keıin turaqty damý jónindegi joǵary deńgeıdegi sammıtke qatysatyn bolady. Sonymen qatar bizdiń josparda Nıý-Iorkke barǵan kezde birneshe amerıkalyq isker toptarmen tıisti kezdesýler bar», - dedi Prezıdent kómekshisi.
