Álem chempıonaty sátti bastaldy

Halyqaralyq Olımpıada ko­mı­te­­­tiniń byltyrǵy erejesi­ne sáı­kes, bıylǵy álem birinshi­ligi 8 salmaq dárejesinde tuńǵysh ret ót­kizilýde. Reseı boks federa­sııa­synyń málimetinshe, álem chempıonatyna qatysýshylar sany da rekordty deńgeıge jetken.

Álem chempıonatynda biz­diń jigitter arasynan alǵash­qy bo­lyp rıngke 81 kılo sal­maq dá­rejesindegi Bekzat Nurdáý­letov kóterildi. Ol Ońtústik Ko­reıa­nyń ókili Hong Ingpen kúsh synasty. Báseke bas­talǵan bette qarsylasy ekpindep shabýyldaǵanymen, kóp uzamaı qandasymyz ony sabasyna túsirdi. Ekinshi raýnd Bekzattyń aıqyn basymdyǵymen ótse, úshinshi raýndta koreıalyqty nokdaýnǵa ji­berdi. Osylaısha, tóreshilerdiń barlyǵy da qazaq boksshysynyń myqtylyǵyn mo­ıyndady. Gazet bettelip, bas­paǵa daıyndalyp jatqanda Bek­zat Venesýela ókili Korba Bar­rermen kezdesip jatqan bolatyn. Kezdesýdiń nátıjesin gazetimizdiń saıtynan bile alasyz.

Bekzattyń jeńisti jolyn 63­ kılo salmaqtaǵy Zakır Sa­­fıýl­lın jalǵady. Ol al­ǵash­­qy irikteý báse­kesinde ázer­baı­jandyq Bahtııar Gazı­bekovpen kúsh syna­syp, tartysty jekpe-­jekte tóreshilerdiń bi­r­aýyz she­shi­mimen jeńiske jetti. Araǵa eki kún salyp Safıýllın ekin­­shi jekpe-jegin ótkizýi tıis edi. Alaı­da kanadalyq boksshy Tomas Blýmenfeld jaraqatyna baılanysty sharshy alańǵa shy­ǵýdan bas tartty. Osylaısha, Zákir álem chempıonatynyń 1/8 aı­nalymyna birden joldama aldy. Endi ol erteń 2017 jylǵy álem chempıony kýbalyq Endı Krýz Gomespen shırek fınaldyń joldamasyn sarapqa salady. 32 jastaǵy otandasymyz bıyl ekinshi ret álem birinshiligine qatysyp jatyr. 2015 jyly Qa­tar astanasy Dohada ótken báse­kede birinshi aınalymda sú­ringen-di.

Jarystyń altynshy kúni úsh boks­shymyz sharshy alańǵa kó­teril­di. Kúndizgi sessııada 52 kı­loda óner kórsetetin otan­­da­sy­myz Sáken Bıbosynov moń­ǵo­lııa­lyq Enhmandah Har­hýýmen ju­dyryqtasyp, 3:2 ese­bimen basym tústi. Eki sportshy alma-kezek soq­qy jumsaǵan kezdesý teń dáre­jede ótken bolatyn. Kezdesý barysynda sál ǵana basymdyq ta­nytqan Bı­bosynovty tóreshiler jeńiske laıyq dep tapty.

75 kılodaǵy boksshymyz Tur­syn­baı Qulahmet cheh­ Mı­losh Bartlmen sharshy­ alań­da kezdesip, otandasymyz aı­qyn­ basymdyqpen jeńiske jet­ti.­ Jekpe-jek barysynda Tur­syn­baı chehııalyq boksshyǵa aıla qaldyrǵan joq. Ekinshi raýnd­ta qar­sylasyn nokdaýnǵa ji­berip te úlgerdi. Aýyr ári nyq soq­qyla­ryn­ jaýdyrǵan qazaq­standyq boks­­­­shynyń jeńisine tóreshiler de­ kúmán keltirgen joq. Qazylar bi­r­­aýyzdan Tur­syn­baı Qulahmetti jeńimpaz dep tanydy.

Jeksenbi kúni 2017 jylǵy álem chempıony Qaırat Erálıev (57 kg) pen Vasılıı Levıt (91 kg­) alǵashqy jekpe-jekterin ót­kiz­di. Erálıev 52 kılo sal­maq­ta Rıo Olımpıadasynyń kú­mis júl­de­geri atanǵan Ioel Fı­nol­men judyryqtasty. Al 91 kı­lo­ǵa de­ıingi salmaqta Vasılıı Le­vıt slo­vakııalyq Davıd Mı­haı­­lıkpen kezdesti. Bul kez­desý­ler­­diń tolyq nátıjesin egemen.kz saıtynan bile alasyz.

Sondaı-aq búgin Abylaıhan Júsipov (69 kg) Taıland boks­shy­sy Výttıchaı Masýkpen ju­dyryqtasady. 29 jastaǵy Masýk óte tájirıbeli boksshy. 2015 jy­ly álem chempıonatynyń qola júl­desin jeńip alsa, 2009 jáne 2015 jyldary Azııa chempıonatynda top jarǵan. Al asa aýyr salmaqtaǵy Qam­shybek Qoń­qabaev Gadfa Drıs­sı (Is­­panııa), Belberov Petar Rý­menov (Bolgarııa) jubynyń jeńim­pazymen qolǵap túıistiredi.