Mınıstrliktiń habarlaýynsha, AÁK alýshylardyń kóbi elimizdiń ońtústik óńirlerinde. Onda barlyq alýshylardyń 67%-dan astamy shoǵyrlanǵan, onyń ishinde Túrkistan oblysynda – 96 myń 800 otbasy, Almaty oblysynda – 53 myń 600 otbasy, Shymkent qalasynda – 51 myń 600 otbasy, Jambyl oblysynda – 39 myń otbasy jáne Qyzylorda oblysynda – 31 myń 700 otbasy.
2019 jylǵy 16 qyrkúıektegi jaǵdaı boıynsha AÁK-ti belsendi alýshylary 335 myń 200-den astam otbasy nemese 1 mıllıon 733 myń adam, onyń ishinde 1 mıllıon 487 myńy balalar. Bul rette 69 myń 700 otbasyna nemese 351 myń 200 adamǵa AÁK tólemderi aıaqtaldy.
«2019 jyly AÁK tóleýge 204 mlrd 500 mln teńge kózdelgen, onyń 186 mlrd 100 mln teńgesi respýblıkalyq bıýdjetten jáne 18 mlrd 400 mln teńgesi jergilikti bıýdjetten. 144 mlrd 300 mln teńge tólendi», dedi Áleýmettik kómek saıasatyn damytý departamentiniń basqarma basshysy Aıajan Janǵabylova.
Bul rette, ol búgingi tańda AÁK 523 myń 400-den astam eńbekke qabiletti azamat alyp otyrǵanyn, onyń 110 myń 200-i nemese 21%-y jumyspen qamtýǵa járdemdesýdiń belsendi sharalaryna jatatynyn atap ótti.
«Barlyǵy 43 myń 500 adam nemese AÁK alýshylardyń jalpy sanynan 39,5%-y jumysqa ornalastyryldy. 13 myń 400-den astam adam jumyspen qamtýdyń belsendi sharalaryna tartylǵan. 89 myńǵa jýyq eńbekke qabiletti adamdar jumyspen qamtý organdarymen áleýmettik kelisimsharttar jasasty», dep tolyqtyrdy Janǵabylova.
