16-20 qyrkúıegi aralyǵynda ótip jatqan is-shara alańynda Energetıka mınıstri Q.Bozymbaev Úndistannyń Atom energııasy jónindegi komıssarıatymen kezdesti.
Mınıstr Qazaqstan men Úndistan arasyndaǵy atom salasyndaǵy uzaq merzimdi jáne tabysty strategııalyq yntymaqtastyqty eskere otyryp, qazaqstandyq tarap Úndistannyń Atom energııasy departamentimen ýran jetkizý boıynsha jańa kelisimsharttarǵa qol qoıýǵa daıyn ekendigin atap ótti. Taraptar atom salasyndaǵy yntymaqtastyqty nyǵaıtý týraly ýaǵdalasty.
Sonymen qatar Q.Bozymbaev Vengrııanyń Syrtqy ister mınıstrimen kezdesti. Taraptar MOL GROUP kompanııasynyń (memlekettiń qatysý úlesi basym vengrııalyq munaı-gaz kompanııasy) Qazaqstandaǵy qyzmeti men bolashaq ınvestısııalyq jobalaryn talqylady. Sońǵy 10 jylda MOL kompanııasy Qazaqstanǵa 200 mıllıonnan astam AQSh dollaryn ınvestısııalady, bul onyń Qazaqstan men Vengrııa arasyndaǵy saýda qatynastarynyń asa mańyzdy qatysýshylarynyń biri etedi. Vengrııa úkimeti Qazaqstandaǵy MOL kompanııasynyń qyzmetin qoldaıdy. Taraptar MOL toby men QMG, sondaı-aq eki eldiń úkimetteri arasyndaǵy yntymaqtastyqtyń aldaǵy múmkindikterin talqylady.
Energetıka mınıstri Q. Bozymbaev «Rosatom» memlekettik korporasııasynyń ókilderimen kezdesti. Taraptar VOÝ-NOÝ («Rosatom» MK) kelisiminiń oryndalýyn, sondaı-aq 2018-2020 jyldary QR-da ýran óndirýdi azaıtý boıynsha qabyldanǵan sharalardan alynǵan nátıjelerdi talqylady, bul naryqtaǵy ýran baǵasyna oń áser etti. Búgingi tańda Qazatomónerkásibi 2021 jyly Qazaqstanda barlyq BK óndirisiniń 20%-ǵa tómendeýin saqtaý jóninde bastama jasady.
QHR Atom energııasy Agenttiginiń tóraǵasymen kezdesýde Energetıka mınıstrliginiń basshysy Q. Bozymbaev Qytaı men Qazaqstan atom salasyndaǵy yntymaqtastyǵynyń kóp jyldyq tájirıbesi bar ekenin atap ótti. Onyń aıtýynsha, eki eldiń kompanııalary búgin QHR-ǵa otyn tabletkalaryn jetkizýde jáne Qazaqstanda QHR AES úshin ıadrolyq otyn óndirý zaýytyn birlesip salýda yntymaqtasady. QR Energetıka mınıstri Q. Bozymbaev Qytaı atom energetıkasynyń qajettiligin qamtamasyz etý úshin qazaqstandyq ónimniń eksporttyq kólemin satyp alý týraly qytaı tarapynyń usynysyn qoldady. Taraptar ýran jetkizilimderin ulǵaıtýdy jáne kelesi jyly Qazatomprom kásiporyndary qytaılyq AES úshin otyn tabletkalaryn jetkize bastaýdy talqylady. Birlesken jumys tobynyń basshylaryn vıse-mınıstrler deńgeıine deıin kóterý týraly kelisimge qol jetkizildi.
