Oqıǵa polısııa departamentiniń «Kóknár» jáne «Dopıng» jedel-profılaktıkalyq is-sharasy barysynda anyqtalǵan. Esirtki bıznesine qarsy kúres boıynsha bólinis qyzmetkerleriniń jedel aqparatyna sáıkes 1992 jyly týǵan «J» esimdi azamat anyqtalyp, ustaldy.
Garajdyń jertólesinde qarasora ósirý úshin barlyq jaǵdaı jasalǵan, ıaǵnı jertóle qabyrǵalary penofolmen oqshaýlanyp, aýa aınaldyratyn ventılıasııasy iske qosylyp, jasandy jaryqtandyrý (fıtolamp) qoıylǵan. Qajetti temperatýrany ustap turý úshin radıator ornatylǵan. Tintý kezinde ósirilgen qarasora jáne paıdalanýǵa daıyn «marıhýana» esirtki zaty tárkilendi. Sot-medısınalyq saraptama nátıjesi boıynsha shamamen 600 gr. «marıhýana» esirtki zaty jáne 3 túp qarasora tektes ósimdik tárkilendi.
Atalǵan fakti boıynsha Qazaqstan Respýblıkasy Qylmystyq kodeksiniń 300-baby 1-bólimine (Quramynda esirtki zattar bar, ósirýge tyıym salynǵan ósimdikterdi zańsyz egip-ósirý) sáıkes sotqa deıingi tergeý amaldary júrgizilýde.
Batys Qazaqstan
