Kezdesý barysynda halyqaralyq kún tártibindegi ózekti máseleler, Eýropa elderiniń Ortalyq Azııamen ózara is-qımyldary, sondaı-aq Qazaqstandaǵy áleýmettik-ekonomıkalyq jańǵyrýlardyń ilgerileýi talqylandy.
Fransýz saıasatkeri, Eýropalyq qaıta qurý jáne damý bankiniń negizin qalaýshy ári tuńǵysh basshysy Jak Attalı Prezıdent Qasym-Jomart Toqaevqa kezdesý úshin alǵysyn bildirip, qazirgi qubylmaly álemdegi kúrdeli ahýalda Qazaqstan turaqtylyq pen ornyqty damýdy saqtap otyrǵanyn atap ótti.
Memleket basshysy Qazaqstannyń basqa eldermen qarym-qatynasynda árqashan beıbitshil saıasat ustanatynyna, ózara tıimdi yntymaqtastyq pen seriktestikke ashyq ekenine, sondaı-aq sheteldik kapıtaldy tartyp, ınvestısııalyq ahýaldy jaqsartý úshin belsendi jumys júrgizip otyrǵanyna basa mán berdi.
