Qazaqstan Respýblıkasy Úkimetiniń qaýlysy №1547
Senbi, 2 aqpan 2013 6:23
2012 jylǵy 4 jeltoqsan Astana qalasy, Úkimet Úıi
Esepteý aspaptary joq tutynýshylar úshin jylýmen jabdyqtaý jáne elektrmen jabdyqtaý boıynsha kommýnaldyq qyzmetterdi tutyný normalaryn bekitý qaǵıdalaryn bekitý týraly
«Tabıǵı monopolııalar jáne retteletin naryqtar týraly» 1998 jylǵy 9 shildedegi Qazaqstan Respýblıkasy Zańynyń 13-baby 1-tarmaǵynyń 4-2) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Esepteý aspaptary joq tutynýshylar úshin jylýmen jabdyqtaý jáne elektrmen jabdyqtaý boıynsha kommýnaldyq qyzmetterdi tutyný normalaryn bekitý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Senbi, 2 aqpan 2013 6:23
2012 jylǵy 4 jeltoqsan Astana qalasy, Úkimet Úıi
Esepteý aspaptary joq tutynýshylar úshin jylýmen jabdyqtaý jáne elektrmen jabdyqtaý boıynsha kommýnaldyq qyzmetterdi tutyný normalaryn bekitý qaǵıdalaryn bekitý týraly
«Tabıǵı monopolııalar jáne retteletin naryqtar týraly» 1998 jylǵy 9 shildedegi Qazaqstan Respýblıkasy Zańynyń 13-baby 1-tarmaǵynyń 4-2) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Esepteý aspaptary joq tutynýshylar úshin jylýmen jabdyqtaý jáne elektrmen jabdyqtaý boıynsha kommýnaldyq qyzmetterdi tutyný normalaryn bekitý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.Ahmetov.
Qazaqstan Respýblıkasy Úkimetiniń 2012 jylǵy 4 jeltoqsandaǵy №1547 qaýlysymen bekitilgen
Esepteý aspaptary joq tutynýshylar úshin jylýmen jabdyqtaý jáne elektrmen jabdyqtaý boıynsha kommýnaldyq qyzmetterdi tutyný normalaryn bekitý qaǵıdalary
1. Osy esepteý aspaptary joq tutynýshylar úshin jylýmen jabdyqtaý jáne elektrmen jabdyqtaý boıynsha kommýnaldyq qyzmetterdi tutyný normalaryn bekitý qaǵıdalary (budan ári – Qaǵıdalar) «Tabıǵı monopolııalar jáne retteletin naryqtar týraly» 1998 jylǵy 9 shildedegi Qazaqstan Respýblıkasynyń Zańyna jáne Qazaqstan Respýblıkasynyń ózge de normatıvtik quqyqtyq aktilerine sáıkes ázirlendi.
2. Osy Qaǵıdalar esepteý aspaptary joq tutynýshylar úshin jylýmen jabdyqtaý jáne elektrmen jabdyqtaý boıynsha kommýnaldyq qyzmetterdi tutyný normalaryn bekitýdiń biryńǵaı tártibin aıqyndaıdy.
3. Osy Qaǵıdalarda mynadaı uǵymdar paıdalanylady:
1) ýákiletti organ – tabıǵı monopolııalar salalaryndaǵy jáne retteletin naryqtardaǵy basshylyqty júzege asyratyn memlekettik organ;
2) qyzmet kórsetýshi – tutynýshylarǵa jylý jáne (nemese) elektr energııasyn satýdy júzege asyratyn energııamen jabdyqtaýshy uıym;
3) ótinim – qyzmet kórsetýshiniń ýákiletti organǵa esepteý aspaptary joq tutynýshylar úshin jylýmen jabdyqtaý jáne elektrmen jabdyqtaý boıynsha kommýnaldyq qyzmetterdi tutyný normalaryn bekitý týraly resmı ótinishi (aryzy).
Osy Qaǵıdalarda paıdalanylatyn ózge de uǵymdar men termınder Qazaqstan Respýblıkasynyń qoldanystaǵy zańnamasyna sáıkes qoldanylady.
4. Esepteý aspaptary joq tutynýshylar úshin jylýmen jabdyqtaý jáne elektrmen jabdyqtaý boıynsha kommýnaldyq qyzmetterdi tutyný normalaryn esepteý Qazaqstan Respýblıkasy Úkimetiniń 2012 jylǵy 25 qańtardaǵy № 161 qaýlysymen bekitilgen Esepteý aspaptary joq tutynýshylar úshin jylýmen jabdyqtaý jáne elektrmen jabdyqtaý boıynsha kommýnaldyq qyzmetterdi tutyný normalaryn esepteýdiń úlgi qaǵıdalaryna sáıkes júzege asyrylady.
5. Qyzmet kórsetýshi ýákiletti organǵa esepteý aspaptary joq tutynýshylar úshin jylýmen jabdyqtaý jáne elektrmen jabdyqtaý boıynsha kommýnaldyq qyzmetterdi tutyný normalaryn bekitýge arnalǵan ótinimdi (budan ári – ótinim) usynady. О́tinimniń ilespe haty qyzmet kórsetýshiniń resmı blankisinde usynylatyn qujattardyń tizbesin qamtıdy.
О́tinimge:
1) esepteý aspaptary joq tutynýshylar úshin jylýmen jabdyqtaý jáne elektrmen jabdyqtaý boıynsha kommýnaldyq qyzmetterdi tutyný normalaryn (budan ári – tutyný normalary) bekitý qajettiligi týraly túsindirme jazba;
2) tutyný normalarynyń esebin negizdeıtin materıaldar;
3) tutyný normalarynyń usynylyp otyrǵan deńgeıin jáne budan buryn bekitilgen tutyný normalarynyń deńgeıin qamtıtyn keste qosa beriledi.
6. Usynylǵan qujattardyń árbir paraǵy nómirlenedi jáne qyzmet kórsetýshiniń birinshi basshysy ne onyń mindetin atqarýshy tulǵa qol qoıady (birinshi basshynyń mindetin júkteý týraly qyzmet kórsetýshi buıryǵynyń kóshirmesi qosa beriledi).
7. Ýákiletti organ usynylǵan qujattardyń tolyqtyǵyn tekseredi jáne qyzmet kórsetýshi qujattardy osy Qaǵıdalardyń 5 jáne 6-tarmaqtarynyń talaptaryn buza otyryp tapsyrǵan jaǵdaıda, ótinimdi alǵan kúninen bastap bes jumys kúninen keshiktirmeı qyzmet kórsetýshini ótinimdi qaraýǵa qabyldaýdan bas tartylǵany týraly jazbasha habardar etedi.
8. Ýákiletti organnyń qyzmet kórsetýshiniń ótinimin qaraýǵa qabyldaýdan bas tartýyna:
1) osy Qaǵıdalardyń 5-tarmaǵynda kórsetilgen qujattardy usynbaý nemese tolyq emes kólemde usyný;
2) qujattardy osy Qaǵıdalardyń 6-tarmaǵynyń talaptaryn buza otyryp usyný negiz bolyp tabylady.
9. Ýákiletti organ ótinimdi kúntizbelik otyz kún ishinde qaraıdy. О́tinimdi qaraý merzimi onyń ýákiletti organǵa túsken kúninen bastap esepteledi.
10. Ýákiletti organ, qajet bolǵan jaǵdaıda qyzmet kórsetýshiniń tıisti suraý alǵan kúninen bastap bes jumys kúninen kem emes usyný merzimin belgileı otyryp, qyzmet kórsetýshiden ótinimdi qaraý úshin qajetti aqparat suratady. Bul jaǵdaıda ótinimdi qaraý merzimi suratylǵan aqparatty alǵanǵa deıin toqtatyla turady, ol týraly ýákiletti organ qyzmet kórsetýshini jazbasha habardar etedi.
11. Ýákiletti organ usynylyp otyrǵan tutyný normalarynyń deńgeıin qorytyndylary usynymdyq sıpatta bolatyn táýelsiz sarapshylardy, memlekettik organdardyń, tutynýshylardyń, qoǵamdyq birlestikterdiń ókilderin tarta otyryp qaraıdy.
12. Ýákiletti organ ótinimdi qaraý nátıjeleri boıynsha tutyný normalaryn bekitý týraly sheshim qabyldaıdy. Bul rette Qyzmet kórsetýshi tutyný normalarynyń negizdelmegen esebin usynǵan jaǵdaıda, ýákiletti organ túzetýlerdi eskere otyryp, tutyný normalaryn bekitý týraly sheshim qabyldaıdy.
13. Ýákiletti organnyń tutyný normalaryn bekitý týraly sheshimi buıryqpen resimdeledi.
14. Osy Qaǵıdalardyń 8-tarmaǵynda kórsetilgen negizder boıynsha ótinimdi qaraýǵa qabyldaýdan bas tartylǵan sebepterdi joıǵan jaǵdaıda, qyzmet kórsetýshi ýákiletti organǵa tutyný normalaryn bekitý týraly ótinimdi osy Qaǵıdalarda belgilengen tártippen qaıta bere alady.
