Kezdesý qatysýshylary aǵymdaǵy jyldyń maýsym aıynda Dýshanbe qalasynda ótken AО́SShK 5-shi Sammıtiniń qorytyndysyn talqylady, al is-sharanyń deklarasııasynda Azııadaǵy qaýipsizdik pen yntymaqtastyqtyń negizgi máseleleri jónindegi keńes músheleriniń ustanymdary men kózqarastary kórinis tapty, sondaı-aq, Qazaqstannyń Tuńǵysh Prezıdenti - Elbasy Nursultan Nazarbaevtyń AО́SShK negizin qalaýshy retindegi jeke róli jáne onyń Keńes áleýetin arttyrýǵa qosqan eleýli úlesi atap ótildi.
AО́SShK-tegi Qazaqstannyń aldaǵy tóraǵalyǵyna erekshe nazar aýdaryldy. Syrtqy ister mınıstri Muhtar Tileýberdi 2020-2022 jyldary Qazaqstannyń tóraǵalyq etýge keńeste arnalǵan ótinimin biraýyzdan qoldaǵany úshin AО́SShK múshe memleketterine alǵys bildirdi.
Delegasııa basshylary Qazaqstandy AО́SShK-tiń kelesi tóraǵasy retinde quttyqtap, keńes sheńberinde yntymaqtastyqty damytýdaǵy elimizdiń jetekshi rólin atap ótti.
Mınıstr óz sózinde AО́SShK-ti damytý kózqarasymen jáne Forýmǵa tóraǵalyq etý kezeńinde Qazaqstannyń nazaryn aýdaratyn basymdyqtarymen bólisti. Olardyń qatarynda – AО́SShK-ti dáıekti ınstıtýsıonaldyq damytý, Senim sharalary katalogynyń bes ólsheminiń sheńberinde Forýmnyń qyzmetin mazmundy tolyqtyrý, sondaı-aq basqa da halyqaralyq jáne óńirlik ınstıtýttarmen ózara is-qımyldy odan ári kúsheıtý.
AО́SShK qyzmetiniń qazirgi zamanǵy syn-qaterler jaǵdaıynda joǵary ózektiligi jáne zor ekonomıkalyq jáne adamı áleýetke ıe Azııadaǵy qaýipsizdik pen ózara baılanysty nyǵaıtý úshin óńirlik kooperasııanyń tıimdi platformasy retindegi mańyzdylyǵy atap ótildi.
1992 jylǵy 5 qazanda Qazaqstannyń Tuńǵysh Prezıdenti – Elbasy N.Nazarbaev Azııadaǵy qaýipsizdik problemalary boıynsha konsensýs negizinde dıalog, konsýltasııalar, sheshimder qabyldaý jáne sharalardy júzege asyrý úshin memleketaralyq forým bolyp tabylatyn AО́SShK-ti shaqyrýǵa bastama jasady. Búgingi tańda AО́SShK-ke Azııanyń 27 memleketi múshe, 8 el men 5 halyqaralyq uıym baqylaýshy bolyp tabylady.
