Mańyzdy máselege meılinshe mán berildi

Respýblıkadaǵy áskerı (ar­naýly) oqý oryndarynyń da­mýy komıtettiń kóshpeli otyry­syndaǵy talqylanǵan másele­lerdiń ózegi boldy. Shýche qa­la­syndaǵy Qorǵanys mınıstrli­giniń Kadet korpýsynda bolǵan se­natorlar oqý baǵdarlamasymen, bilim oshaǵynyń ǵımarattarymen, sondaı-aq áskerı qyzmet­ker­lerdiń áleýmettik-turmystyq jaǵ­daılarymen tanysty. Depý­tat­tarǵa kadet korpýsynyń mate­rıal­dyq-tehnıkalyq bazasy, osy zamanǵy qural-jabdyqtarmen qam­tamasyz etilgen zamanaýı sy­nyptar jáne sport zaly kór­se­tildi.

Komıtet músheleri munan soń Kókshetaý qalasyndaǵy mamandandyrylǵan órt són­dirý bóliminde, Ishki ister mınıs­tr­liginiń Tótenshe jaǵdaılar ko­mıtetiniń tehnıkalyq ınstıtýtynda boldy. О́rt sóndirý bó­limi byltyr paıdalanýǵa beril­gen. Bul qurylym qalanyń sol­tústik bóligin órtten qorǵaı­dy. Sóz arasynda osy zamanǵy órt sóndirý tehnıkasymen qam­tamasyz etilgendigin, qyzmet­ker­lerge qyzmettik jáne áleýmettik jaǵdaı jasalǵanyn aıta ketýi­miz kerek. Bıylǵy jyldan bas­tap órt sóndirý bóliminiń ǵı­ma­ratynda Kókshetaý tehnıkalyq ınstıtýtynyń oqý ortalyǵy jumys isteı bastaǵan. Depýtattar ınstıtýttyń oqý korpýsyn aralap kórdi. Sondaı-aq oqyrmandar zaly bar kitaphana, ákimshilik ǵımarat, zerthana, shaǵyn baspahana, kýrsanttar jataqhanasy jáne sport zalymen tanysty. Komıtet músheleri Ishki ister mınıstrligi basshylyǵynyń baıan­damasyn tyńdady. Mınıs­trdiń orynbasary Iýrıı Ilın­niń aqparatynda jańǵyrtý aıasynda ınstıtýttyń tórt oqý orta­lyǵy qurylǵandyǵy aıtyldy. Oqý ortalyǵynyń materıaldyq-tehnıkalyq bazasy jaqsarǵan. Bir jyl buryn 909 mıllıon teńge qarajat bólinipti. Keler jyldan bastap ınstıtýttyń professor-oqytýshylyq quramynyń jala­qysy 25 paıyzǵa óspek. Odan keıin oqý korpýsy men jataqhana salý máselesi tur.

Qazaqstan Respýblıkasy  Par­lamenti Senaty Halyqaralyq qatynastar, qorǵanys jáne qaýip­sizdik jónindegi komıtetiniń tóraǵasy Muhtar Qul-Muhammed jumys saparyn qorytyndylaı kele, Darıǵa Nazarbaevanyń bas­shy­lyǵymen ótkizilgen burynǵy kóshpeli otyrystarda kóterilgen máselelerdiń qalaı sheshimin taýyp jatqandyǵyna toqtaldy. Myqty mamandar daıarlaý máse­lesin áli de jetildire túsý qajet. Kún tártibindegi barlyq máse­leler komıtettiń turaqty baqylaýynda bolmaq.