Búginde SSKО́B-tiń metall ılekteý, jóndeý-mehanıkalyq zaýyttary men shekemtas óndirý fabrıkasynyń qyzmetkerleri energııa shyǵynyn azaıtyp, jumys ornyndaǵy ónimdilik pen qaýipsizdikti arttyratyn jaryqpen jumys istep keledi. Jańa jo aıasyndaǵy segiz aıda barlyǵy 12007 sham aýystyrylsa, sonyń 7831-i fabrıkaǵa tıesili. Ornatylǵan jaryqdıodty shamdardy qazaqstandyq «PROLUX LED» kásiporny óndirdi.
«Usynylǵan ónimder 100 myń saǵatqa deıin apatsyz jumys isteı alady. Bul degenimiz – olardy 11 jyl úzdiksiz paıdalanýǵa bolady degen sóz» dedi «SSKО́B» AQ bas energetık bóliminiń energııamen qamtamasyz etý jónindegi jetekshi ınjeneri Andreı Garas. Jańa shamdar burynǵylarynan birneshe ólshemder boıynsha ozyq tur. Máselen, synap jáne synap-volfram shamdarynyń jumys ýaqyty 1000 saǵattan aspaıdy jáne olarda «shamdardyń tozýy» degen uǵym bar. Jaryq tıimdiligi ýaqyt óte kele 40 paıyzǵa deıin nasharlaıdy. Jaryqdıodty shamdarda mundaı kemshilik joq.
Mamandardyń esepteýinshe, jańa joba 3 jyl 4 aıdyń ishinde ózine ketken qarjyny, ózin-ózi aqtamaq.
Rýdnyı
