Buǵan deıin atalǵan laýazymdy atqarǵan S. Jaqypova bergen ótinishine sáıkes, óz qalaýy boıynsha qyzmetinen bosatyldy.
Erlan Áýkenov 1984 jyly 5 qyrkúıekte Almaty qalasynda týǵan. Ál-Farabı atyndaǵy Qazaq ulttyq ýnıversıtetin, «Bolashaq» baǵdarlamasy boıynsha Bredford ýnıversıtetin, Halyqaralyq bıznes akademııasyn, London ekonomıka jáne saıası ǵylymdar mektebin támamdaǵan. Ár jyldary Bilim jáne ǵylym mınıstrliginde, «XXI ǵasyr kóshbasshysy» jastar ortalyǵy» RQB, «Qazaqstan jastarynyń kongresi» ZTB, «Samǵaý» ulttyq ǵylymı-tehnologııalyq holdıngi» AQ eńbek etken.
2010-2011 jyldary - Shyǵys Qazaqstan oblysy ákimi apparaty basshysynyń orynbasary.
2011-2014 jyldary - QR Prezıdenti Ákimshiliginiń memlekettik ınspektory.
2014-2015 jyldary - Soltústik Qazaqstan oblysy ákiminiń orynbasary.
2015-2019 jyldary Almaty qalasy ákiminiń orynbasary laýazymyn atqardy, áleýmettik ál-aýqat máselesi boıynsha jetekshilik etken.
