Selınograd aýdanynyń eń shalǵaı eldi mekeni — Mánshúk aýylynda oblys ákimi «Manshýk-AE» JShS egistik alqaptarynda óńirdiń iri taýar óndirýshilerimen kezdesti, onda egin oraǵy naýqanynyń barysy men ettik mal sharýashylyǵyn damytý máseleleri talqylandy.
«Rodına» agrofırmasy» JShS basshysy Ivan Saýer jáne «Manshýk-AE» JShS dırektory Tımýr Pishenov astyqtyń sapasy jaqsy, al Selınograd aýdanynda eginniń ónimdiligi jaqsy jyldardaǵydan az bolsa da jalpy jaman emes ekenin baıandady.
Tımýr Pishenovtiń sharýashylyǵynda 50 myń ga egistik jer jáne 1000 bas MIQM bar. Munda topyraq óńdeýdiń «No Till» nóldik tehnologııasy qoldanylady. Bıyl bıdaıdyń ónimdiligi orta eseppen gektarynan 11,3, arpa — 14,8 sentner qurady. 2011 jyldan bastap kásiporyndy damytýǵa 4 mlrd teńgege jýyq qarjy salyndy.
«Manshýk-AE» JShS qarjysyna salynǵan jańa dúkende sórelerdegi molshylyqqa qaramastan oblys ákimi kelesi jyly sharýashylyq «Rodına» JShS úlgisimen jumys isteýine jáne óziniń azyq-túlik ónimderin jergilikti turǵyndar úshin jeńildikpen satýyna tilektestik bildirdi.
«Manshýk-AE» JShS balabaqsha ǵımaratyn rekonstrýksııalady, ol jylý júıesin iske qosyp, jıhazdaryn ornatqannan keıin paıdalanýǵa beriledi. Kásiporyn óz jumysshylaryna jańa úıler salyp jatyr, jaqsy eńbekaqymen qamtamasyz etedi — ortasha eńbekaqy aıyna 180 myń teńge quraıdy.
Oblys ákimi orta mektepte bolyp, onda pedagogıkalyq ujymmen kezdesti. Sonymen qatar, Ermek Marjyqpaev kóshe sport alańyn jáne osy eldi mekende «VI Group Construction» holdıngi baqylaý keńesiniń tóraǵasy Baýyrjan Isabaevtyń ınvestısııasy arqasynda salynǵan áleýmettik sala qyzmetkerlerine arnalǵan jataqhanany qarap shyqty.
О́ńir basshysy Ermek Marjyqpaev «Bıznesmenderdiń týǵan aýylyn damytý, turǵyndarǵa qamqorlyq jasaý boıynsha bastamalary qyzmetkerleri úshin jaqsy áleýmettik paket — bul óte mańyzdy. Aýylda adamdardyń ómir súrýi men jumys isteýine qolaıly bolýy úshin budan ári de barlyǵyn jasaýymyz kerek», dedi.
