Jetibaı aýylynyń ekologııalyq ahýaly jáne aýyl sharýashylyǵyn damytý, aımaqtyń «jasyl ekonomıkaǵa» daıyndyǵy týraly máseleler sóz boldy. Sonymen qatar 2019 jylǵa arnalǵan azyq-túlik ónimderiniń qaýpsizdigi jóninde jasalǵan taldaý jumystary jáne monıtorıng jaıly da aıtyldy.
Aıta ketý kerek, bul is-shara Aqparat jáne qoǵamdyq damý mınıstrligi men Halyqaralyq ekologııa akademııasynyń qoldaýymen ótti. Al qarjylaı qoldaý «Azamattyq bastamalardy qoldaý ortalyǵy» KEU tarapynan «Qazaqstannyń ekologııalyq qory» qoǵamdyq birlestiginiń «Balalar jáne qorshaǵan ortany qorǵaý» jobasyn júzege asyrý aıasynda júrgizilýde.
Dóńgelek ústelge Mańǵystaý oblysy Ekologııa departamentiniń ókilderi Ǵ.Meńdiǵalı jáne M.Qurmanǵalıev qatysty.
Departament ókili ekologııalyq retteý bóliminiń negizgi qyzmetterine qysqasha toqtalyp ótken bolatyn. Ásirese, qorshaǵan ortany jaqsartý, ekologııalyq qaýipsizdikti qamtamasyz etý, tabıǵı resýrstardy saqtaý jáne qoǵamda ekologııalyq turǵaqtylyq deńgeıinde qolaıly jaǵdaıǵa qol jetkizý, memlekettik ekologııalyq saraptamalar qalaı júrgiziletindigi jáne emıssııaǵa ruqsat berý tártibi týraly aıtyp berdi.
Basqosýda, ásirese, Jetibaı aýylynda taza ekologııalyq aýylsharýashylyǵy ónimderin óndirý, eginshilik jáne mal sharýashylyqtaryn odan ári damytý joldary, ekonónimderdi jáne taýarlardyń erekshelikterin anyqtaý suraqtaryna kóbirek kóńil bólý qajettigi sóz boldy, ásirese, ekonónimder júıesin sertıfıkattaýdy retteý jáne aýylsharýashylyǵy qyzmetin ekologııalaý mehanızmderin jetildirý qajetti aıtyldy.
Eger aýyl sharýashylyǵy salasy óz deńgeıinde qoldaý taýyp otyrsa, Mańǵystaý óńirinde ekoónimder rynogy qarqyn ala túseri sózsiz dep qorytyndylady dóńgelek ústelge qatysqandar.
Mańǵystaý oblysy
