Aıta ketken jón, 26 qyrkúıekte London qor bırjasy men «Astana» Halyqaralyq qarjy ortalyǵy bırjasynda Qordyń jetekshi kompanııasy «Qazatomónerkásip» UAK» AQ jahandyq depozıtarlyq qolhattarynyń qosymsha ornalastyrylýy ótti. Barlyǵy 3,8 aksııa nemese 9,8 mln qolhat ornalastyryldy, onyń árqaısysy 13 AQSh dollaryna baǵalandy. Aksııalardyń quny Qor bırjalaryndaǵy qazirgi naryqtyq jaǵdaılarǵa baınalysty qalyptasty.
«Halyqaralyq ınvestorlar 6,5 mıllıon qolhatty satyp aldy, bul qazaqstandyq qundy qaǵazdardyń joǵary ınvestorlyq tartymdylyǵyn kórsetedi. «Astana» bırajasynda ornalastyrýdan 65,3 mln dollar, London bırjasynda 62,9 mln dollar tabys tústi. Jalpy kirisi 128,2 mln AQSh dollary eldiń Ulttyq qoryna jiberiledi», - dedi «Samuryq-Qazyna» UÁQ» AQ Ekonomıka jáne qarjy jónindegi teń basqarýshy dırektory Ernar Janádil.
«Blýmberg» agenttigi óz kezeginde qolhattardyń ornalastyrylýyn «sátti» dep baǵalady. Buǵan iri halyqaralyq ınvestorlardyń úlken qyzyǵýshylyǵy dálel. Tek London qor bırjasyna AQSh, Kanada jáne basqa elderden 40 ınvestor qatysty.
Jýrnalısterdiń suraqtaryna jaýap bere otyryp, A.Satqalıev jekeshelendirý baǵdarlamasy aıasynda «Samuryq-Qazyna» qorynyń basqa kompanııalarynyń IPO/SPO-ǵa joǵary daıyndyǵyn atap ótti.
Atap ótken jón, «Qazatomónerkásip» UAK» AQ IPO/SPO-ǵa shyǵarylýy Elbasynyń tapsyrmasy boıynsha 2016 jyly jasalǵan jekeshelendirý baǵdarlamasy aıasynda ótti. Osy qujatqa sáıkes, kompanııalardyń tıimdiligi men artyqshylyǵyn arttyrý maqsatynda «Eır Astana», «QMG» AQ, «QTJ» UQ, «Qazahtelekom» AQ kompanııalary halyqaralyq bırjalarǵa shyǵady.
2018 jylǵy qarashada IPO aıasynda "Qazatomónerkásip "UAK"AQ aksııalarynyń 15% - yn ornalastyrý sátti ótti. Basqa ınvestorlardyń qatarynda Ulttyq bank BJZQ portfeline ulttyq kompanııanyń 150 mln dollar somasyna depozıtarlyq qolhattaryn satyp aldy, bul BJZQ 21 mlrd teńge tabys ákeldi. Nátıjesinde "Qazatomónerkásip" baǵaly qaǵazdary Ulybrıtanııanyń qarjylyq baqylaý basqarmasynyń resmı tizimine engizildi jáne LFB jáne AIX (AHQO) saýda-sattyǵyna jiberildi.
Ornalastyrý Qazaqstan Úkimeti bekitken 2016-2020 jyldarǵa arnalǵan jekeshelendirýdiń Keshendi josparynyń bir bóligi bolyp tabylady.
