Etnos ókilderine qazaqtyń tarıhynda erekshe orny bar dara tulǵa, halyq jazýshysy, qoǵam qaıratkeri Ábishtiń ómir jolyn, qalamgerdiń qaıtalanbas týyndylaryn tanystyrý maqsatyndaǵy s-sharaǵa etnomádenı birlestik ókilderi, Assambleıa jastary, mektep oqýshylary qatysty.
Is-shara barysynda kitaphanashy Asııa Nýtanqyzy etnos ókilderine aqynnyń ómiri men shyǵarmashylyǵy týraly málimetter berip, Ábishtiń kózi tirisinde basyp shyǵarylǵan kitaptarymen tanystyrdy.
Ábish Kekilbaevtyń nemeresi Eldar Ábish pen ustazy Tamara Stepanova áıgili jazýshynyń týǵan kúnine oraı daıyndaǵan vıdeofılmi kórsetilip, qundy málimetter aıtyldy.
-Búgingi qazaq eliniń jazýshysy Ábish Kekilbaevtyń 80 jyldyǵyna oraı uıymdastyrylǵan is-sharaǵa qatysqanyma qýanyshtymyn. Osy ýaqytqa deıin qalamger týraly bilmegen ekenmin. Ábish – eń myqty jáne ataqty qalamger. Ol V.Shekspırdiń, A.Chehovtyń, t.b. elder qalamgerleriniń shyǵarmalaryn qazaqshaǵa aýdarǵan dara talanttardyń biri eken. Qysqasha aıtqanda, búgingi sharada abyz Ábish týraly kóptegen maǵlumattar aldym. Osy is-sharany uıymdastyrýshylarna úlken rahmetimdi aıtamyn, deıdi «Vaınah» sheshen-ıngýsh etnomádenı birlestiginiń tóraǵasy Rýslan Bamatgereev.
