Is-sharaǵa Mańǵystaý oblystyq sotynyń sýdıasy, BAQ-pen baılanysyn úılestirýshi sýdıa Aıjan Molbaeva, Mańǵystaý oblysy boıynsha Sottar ákimshisiniń basshysy Nurtaı Almashov pen sot qyzmetkerleri, úkimettik emes uıymdar, stýdentter, buqaralyq aqparat quraldarynyń ókilderi qatysty.
Press-týr qatysýshylaryna keńse jumysy, sot otyrysy ótkiziletin zaldar, olardyń tehnologııalyq jabdyqtalýy, sýdıalardyń qyzmeti tanystyryldy.
Nurtaı Almashov tyńdaýshylar nazaryna oblys sottarynyń jumysy týraly qundy aqparat usynyp, sot júıesine engizilgen elektrondy tehnologııalar týraly málimetter berdi.
Odan ári Aıjan Molbaeva Memleket basshysy Qasym-Jomart Toqaevtyń «Syndarly qoǵamdyq dıalog- Qazaqstannyń turaqtylyǵy men órkendeýiniń negizi» atty Qazaqstan halqyna Joldaýyndaǵy «Azamattardyń quqyqtary men qaýipsizdigin qamtamasyz etý» taraýyna toqtalyp, sot sheshimderiniń sapasyn arttyrýǵa, biryńǵaı sot tájirıbesin ornyqtyrýǵa, sottardyń daýlardy sheshý barysynda qosymsha aıǵaqtar jınaý quqyǵyna erekshe mán beriletinin jetkizdi. Sondaı-aq, ol oblys sottaryndaǵy qaralǵan ister, olardyń sanattary, bitimgershilik jáne medıasııa qoldanysy týraly statıstıkalyq derekter keltirdi.
Press-týr barysynda qatysýshylarǵa memlekettik bajdy tóleý, talap aryzdy tirkeý, sot qyzmetkerleriniń uıaly telefon arqyly sms-habarlama jiberýi, gıbrıdtik elektrondyq poshta, ShPI, servıs arqyly jiberilgen sms-habarlamalar týraly da tolyq túsinikteme berildi.
Aqparattyq tehnologııalar jáne aqparattyq resýrstardy qorǵaý bóliminiń basshysy Aıset Aıdarbaeva aqparattyq tehnologııalardyń sot júıesindegi sońǵy múmkindikteri, onyń ishinde «Sot kabıneti» servısi arqyly talap aryzdy, ótinishti berý, hatty joldaý, sot isterin qaraý kestesi, sot isterimen tanysý bólimderi týraly túsindirdi. Sot júıesin jańǵyrtý aıasynda taraptarǵa smartfonǵa júktelgen «TrueConf» qosymshasy kómegimen qashyqtan sot otyrysyna kelmeı-aq, beınebaılanys arqyly qatysýǵa múmkindik beretin «SMART sot» pılottyq jobasynyń Mańǵystaý sottarynda nátıjeli jumys istep otyrǵanyn jetkizdi.
Osylaısha sot otyrysy zaldaryn aralap, sot prosesinde aýdıo-vıdeo quraldarynyń qoldanylýy, jazbalardyń saqtalýy, jazbany toqtatýǵa, qaıta tirkeýge, joǵaltýǵa bolmaıtyny týraly aqparatqa qanyq bolǵan qatysýshylar sot jumysyna joǵarǵy baǵa berdi.
