Mádenıet qyzmetkerleri qandaı qurmetke de laıyq

Bile bilsek, naǵyz eńbek osy kisilerdiki. Halyqpen tikeleı jumys isteıtin, kúni-túni tynym tappaıtyn – osy sala qyzmetkerleri. Sondyqtan mádenıet salasy eńbekkerleri qandaı qurmetke de laıyq.

Prezıdent «halyqtyń jergilikti bılik jumysynyń tıimdiligin baǵalaý júıesin qanatqaqty joba retinde engizý múmkin dep sanaımyn. Mysaly, eger saýalnama nátıjesinde turǵyndardyń 30 paıyzdan astamy qala nemese aýyl ákiminiń jumysyn tıimsiz dep eseptese, bul arnaıy komıssııa qurý úshin negiz bola alady» dedi. Durys-aq. О́ńirimizde aýdan, aýyl deńgeıindegi halyq­tyń kóńilinen shyqpasa da jaıbaraqat jumysyn istep júrgen ákimder kóp. Shynyn aıtqanda, olar ózderi jumys istep otyrǵan halyqtyń kóńi­li­nen shyǵýdy emes, ózderi baǵy­na­tyn ákimderdiń kóńilinen shyǵýdy oılaıdy. Sondyqtan Memleket basshysy aıtyp otyrǵan saýalnama júzege asyrylar bolsa, sol saýalnamany júrgizý tehnologııasyna durys mán berilse deımiz. О́ıtkeni saýalnama ádettegideı kerekti adamdardan jıyp alynady. Sony alamyz da «mine, saýalnama jasaldy» deımiz. Osy jaǵy jan-jaqty eskerilse, qanatqaqty jobanyń sátti júzege asaryna kúmán joq.

Prezıdent Joldaýynda Úkimetke aldaǵy úsh jylda «Aýyl – el besigi» jobasyna qosymsha 90 mıllıard teńge bólýdi tapsyrdy. Bul qarajat árıne jol, sý, mektep sekildi jumystarǵa jumsalatyny anyq. Másele – sonyń qalaı jumsalýynda. Máselen, bizdiń oblysta memlekettiń qanshama qarajaty aýyldarǵa mektep salýǵa jumsaldy. О́kinishtisi sol, qazir ol aýyldarda kisi joq. Oqýshysy joq aýyldarǵa mek­tep salyp jatyrmyz. Bas­qa jerdi aıtpaı-aq ózim týyp-ósken Katonqaraǵaı aýda­nyn aıtaıyn. Osydan biraz jyl buryn balasy joq Ja­ńa Úlgi aýylyna aparyp eki qabat­ty mektep saldy. 600-700 oqý­shysy bar kezinde mektep sa­lyn­baǵan О́rel aýylyna da úlken mektep salyp tasta­dy. Qazir ondaǵy oqýshy sa­ny 100-ge tolmaıdy-aý deı­min. Aýyl­darǵa qamqor­lyq jasal­ǵan­da onyń naqty qajet­tiligi sol jerdiń turǵyn­dary­men aqyl­dasa otyryp sheshilse memleketke de, turǵyndarǵa da tıimdi bolary anyq.

Álibek QAŃTARBAEV,

Qazaqstan Jazýshylar odaǵy Shyǵys Qazaqstan oblystyq fılıaly dırektory, aqyn

О́SKEMEN