Jyl sońyna deıin jeti joba iske qosylady dep kútilýde. Munda 1,5 myń adam jumyspen qamtylmaq. «Bul jerdegi zaýyttar naryqta suranysqa ıe bolatyn qubyrlar, sáýlettik qasbetter, avtomobılder, polımerlik qubyrlar, medısınalyq maqsattaǵy buıymdar, et ónimderin shyǵarady. Sondaı-aq qaǵaz qaptardy, kartrıdjer men ónerkásiptik qaýipsizdik júıelerdi, kabelder, skotch pen plenkalardy óndiretir alty zaýyt iske qosyldy. Atalǵan kásiporyndarda 385 jumys orny ashyldy», - dep jazdy qala ákimi áleýmettik jelidegi paraqshasynda.
Iske qosylǵan kásiporyndardyń jalpy ınvestısııa somasy 24,4 mlrd teńge jyl basynan beri munda 385 jumys orny ashyldy. Jyldyń sońyna deıin 67 mlrd teńge somaǵa jeti jobany iske qosý josparlanyp otyr.
Qala ekonomıkasyna ınvestısııa tartý boıynsha jumysty jandandyrý maqsatynda B.Saǵyntaevtyń tapsyrmasy boıynsha Almatynyń Iskerlik keńesi quryldy. Munda shaǵyn jáne orta bıznesti qoldaý men damytý sharttaryna qatysty barlyq máseleler talqylanady. Sonymen qatar, salalyq odaqtar men kásiporyndardyń basshylarymen ótkiziletin О́ńirlik úılestirý keńesiniń jumysy qaıta jandandy. Jaqynda ótken otyrysta modýldik úı qurylysy, jylytý jáne órt sóndirý júıelerin, qurylys materıaldaryn, polımerlik qubyrlardy óndirý boıynsha jobalar maquldandy.
Bul kúni B.Saǵyntaev Alataý aýdanynda «Almaty-2020» baǵdarlamasy aıasynda salynǵan jáne zamanaýı jabdyqtarmen jabdyqtalǵan jedel medısınalyq járdem stansasynyń jańa ǵımaratyn aralap kórdi. Sondaı-aq qala ákimi JCI halyqaralyq akkredıtasııasyna daıyn №17 qalalyq emhananyń qyzmetimen tanysty. Akkredıtteý álemdik standarttarǵa sáıkes keletin medısınalyq kómektiń sapasyn halyqaralyq deńgeıde moıyndaý bolyp tabylady. Budan ózge shahar basshysy eldegi baspa-polıgrafııa salasynyń mamandaryn daıyndaıtyn jalǵyz oqý orny bolyp tabylatyn polıgrafııa kolledjimen tanysty. Kolledjdiń túlekteri kreatıvti ındýstrııanyń bir baǵyty boıynsha óz oılaryn iske asyrýǵa múmkindikteri bar.
Kásipkerlerdiń bastamalaryn qoldaý maqsatynda Aımaqtyq úılestirý keńesiniń jumysy jandandy. Sońǵy otyrysta modýldik úı qurylysy, jylytý jáne órt sóndirý júıelerin, qurylys materıaldaryn, polımerlik qubyrlardy óndirý jobalary maquldandy. Olardy iske asyrý úshin Almatynyń ındýstrııalyq aımaǵynda daıyn. ınfraqurylymy bar alańdar bólinbek.
