Sýretti túsirgen: Valerıı Býgaev
Budan basqa osy burynǵy Alıýmınstroı atalǵan aýdannan qalǵan súrilmegen eski 49 úı bar. Kelesi jyly bul úılerdiń ornyna 10 turǵyn úı salý jobasy daıyn.
Al, bıyl jyl sońyna deıin oblys ortalyǵynda memlekettik baǵdarlamalarǵa sáıkes 61,5 myń sharshy metr turǵyn úı paıdalanýǵa berilmek.
Qazir turǵyn úılerdiń qurylysy qarqyndy júrgizilýde. Jyl sońyna deıin 9 turǵyn úıdiń qurylysy aıaqtalyp, paıdalanýǵa beriledi.
Al,Dostyq shaǵyn aýdanynda qurylystyń birinshi kezeńi júrgizilýde. Bıyl bul aýdanda 4 úıdiń qurylysy bastalady. Olardyń ekeýi ózge óńirlerden keletin qonystanýshylarǵa arnalǵan.
Mysaly, Saryarqa shaǵyn aýdanynda «7-20-25» baǵdarlamasymen boı kótergen №25 turǵyn úı qurylysy. Bul 72 páterlik turǵyn úı qarasha aıynda berilmek.
Alaıda, qurylys jumystaryna kedergi keltirgen máseleler de bar.
Osy №25 úıdiń janynda súrilmegen eki qabatty eski úı tur. Páter ıeleriniń eski úılerinen kóshkileri kelmeıdi. Bul úılerdiń ornynda №29 úıdiń qurylysy júrgizilýi qajet edi.
Qalalyq qurylys bóliminiń málimetinshe, salynyp jatqan 9 úıdiń beseýi «Turǵyn úı qurylys jınaq banki» AQ-nyń salymshylary úshin, úsheýi «7-20-25» baǵdarlamasy boıynsha, bireýi ákimdiktegi kezek kútýshilerge arnalǵan.
Al,Saryarqa shaǵyn aýdanyndaǵy qurylys pen abattandyrý jumystary 2021 jyldyń sońyna deıin aıaqtalmaq.
