Kezdesý Qazaqstan Respýblıkasy men Amerıka Qurama Shtattary arasyndaǵy Ekonomıkalyq yntymaqtastyq jónindegi joǵary deńgeıli is-shara aıasynda ótti. Bul bastama Tuńǵysh Prezıdent – Elbasynyń 2018 jylǵy qańtardaǵy sapary kezinde bastalǵan bolatyn.
Kezdesý barysynda taraptar ishki jáne syrtqy saýda, taýarlar men qyzmetterdi eksporttaý, kommersııalyq jáne ınvestısııalyq jobalardy iske asyrý, Tyson Foods kompanııasymen birlesken jobalar, birlesken jobalarǵa (AIFC) qarjylyq qoldaý kórsetýdiń ekijaqty yntymaqtastyq salasynyń máselelerin, sanksııalar saıasaty, zııatkerlik menshik jáne elektrondy saýda máselelerin, sondaı-aq DSU jáne EYDU sheńberinde yntymaqtastyqty talqylady.
Amerıka Qurama Shtattary – Qazaqstannyń negizgi strategııalyq seriktesteriniń biri. Bizdiń elderimiz arasyndaǵy saýda aınalymy kólemi 2018 jyly aldyńǵy jylmen salystyrǵanda 36%-ǵa artyp, 2,2 mlrd AQSh dollaryn qura-
dy.
2019 jyldyń 8 aıynyń qorytyndysy boıynsha ótken jyldyń uqsas kezeńindegi derekterdi saqtaı otyryp, Qazaqstan men AQSh arasyndaǵy taýar aınalymy 1,4 mıllıard dollardy qurady.
Saýda-ekonomıkalyq yntymaqtastyqty odan ári damytý jáne onyń joǵary serpinin qoldaý úshin jetkiziletin taýarlar men qyzmet nomenklatýrasyn keńeıtý, isker toptar arasynda tikeleı baılanys ornatý boıynsha birlesken jumysty jalǵastyrý usynyldy.
Qazaqstan tarapy AQSh-qa qazaqstandyq taýarlardyń eksportyn 50 taýar pozısııasy boıynsha 802,1 mln AQSh dollarynan asa somaǵa ulǵaıtyp, ózara saýdadaǵy ońtaıly trendti nyǵaıtýdy usyndy.
