Basqosýda Mańǵystaý oblysy sottarynyń 9 aıda atqarǵan sot tóreligi boıynsha jumystary sarapqa salyndy.Sondaı-aq memleket basshysy Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýyndaǵy sotqa júktelgen basty mindetter týraly aıtyldy.
E.Qarabaev búginde daýlardy bitimgershilikpen sheshý basty nazarda ekendigine toqtalyp, óńir boıynsha front-ofıs, medıasııa kabınetteri, tatýlastyrý ortalyqtary ashylǵanyn atap ótti. Sondaı-aq ol óńir sottarynda medıasııa rásimmen aıaqtalǵan isterdiń qatary óskenin jetkizdi.
Odan ári N.Prımashev Joldaýda ákimshilik ádilet qurylymyn engizý qajettigi týraly aıtylǵanyn nazarǵa alyp, memlekettik organdarmen, ákimdiktermen, quqyqtyq qaýymdastyqpen kelisilgen Ákimshilik rásimdik-prosestik kodeksiniń jobasy Parlament Májilisinde qaraýda ekenin atap ótti. «Bul joba ákimshilik rásimderdi júzege asyryp, jarııa-quqyqtyq qatynastar salasyndaǵy daýlardy sheshý jónindegi ákimshilik is júrgizýge baılanysty qoǵamdyq qatynastardy retteýge baǵyttalǵan», dedi N.Prımashev.
Spıkerler qylmystyq, azamattyq jáne ákimshilik isterdi qaraýdaǵy sot tóreligin júzege asyrý jáne zańdylyqtyń saqtalý jaǵdaıy, sonymen qatar, atalǵan isterdi qaraý kezinde týyndaıtyn máseleler men, eń bastysy, sot júıesindegi reformalar týraly aqparattarmen tanystyrdy.
A.Molbaeva sot isin júrgizýde qazirgi zamanǵy aqparattyq tehnologııalardy qoldaný máselesine toqtalyp, onyń ishinde sot otyrysyna qashyqtyqtan qatysý, talap aryzdardy elektrondy berý, sot prosesteriniń aýdıo-beınejazbalarǵa taspalanýy týraly aıtty. Sondaı-aq ol BAQ boıynsha 9 aıda atqarylǵan jumystar týraly aqparattardy nazarǵa usyndy.
2019 jyldyń 9 aıynda barlyǵy buqaralyq aqparat quraldarynda 1674 jarııalanym jasaldy. Atap aıtsaq, 344 maqala, veb-saıttaǵy aqparattar sany - 556, tele-radıo arnalardaǵy jarııalanym -171, ǵalamtor jarııalanymdary - 603.
BAQ ókilderiniń basym bóliginiń qyzyǵýshylyǵyn týdyrǵan óńirdegi qylmystyq ahýal, sybaılas jemqorlyq, para alý, para berý, áıelder men balalarǵa qatysty qylmystar jáne qoǵamnyń qyzyǵýshylyǵyn týdyrǵan qylmystyq ister týraly Erjan Qarabaev naqty ári jan-jaqty málimet berdi.
Brıfıng barysynda BAQ ókilderi sot júıesindegi jańashyldyqtar, zańnamalardaǵy ózgerister, konstıtýsııalyq reforma nátıjesi jáne sot tóreliginiń sapasy týraly suraqtar qoıyp, spıkerler tarapynan naqty jaýaptar ala aldy.
Mańǵystaý oblysy
