Sýsyndar, netken qýsyńdar
(Shóldegen shaldyń monology)
Áı, sýsyndar, sýsyndar,
Sender netken qýsyńdar!
Jutyp alsam ýlaısyń,
Ýlanǵan soń týlaısyń!
Týlaǵanmen ne paıda
Tula boıyń derttenip,
Ishi-baýryń «órt» bolyp,
«Eki kóziń...» tórt bolyp,
О́ziń... «úshinshi sort» bolyp,
Adam emes aınalań
Jyn peri men «chort» bolyp,
Sereń etip qulaısyń,
Kózińniń jasyn bulaısyń!
Bulaǵannan ne paıda:
Dáriger joq, dári joq
Bolsa daǵy «samopal:
Kimdi qaıtyp qarǵaısyń,
Jaǵyń sembeı sarnaısyń!
Qarǵysyńdy, qaıǵyńdy
Alypsatarǵa arnaısyń!
Aıtyp aıtpaı ne kerek,
Bizdiń ómir keremet!
Áı, sýsyndar! Sýsyndar!
Netken pále, qýsyńdar!
K. BEISEBAI.
