Premer-Mınıstr Qostanaıdyń Indýstrııalyq aımaǵyna bardy, onda Qostanaı traktor zaýyty bazasynda «Kıroves» qýattylyǵy joǵary traktoryn shyǵaratyn zaýyttyń saltanatty ashylý rásimine qatysty. Kásiporynnyń jobalyq qýattylyǵy — 2025 jylǵa qaraı jergiliktendirýdi birtindep 50%-ǵa deıin arttyrǵan jaǵdaıda jylyna 700 birlik tehnıkaǵa deıin jetedi (ınterer/ekstererdiń plastıkten jasalǵan elementterin daıyndaý, 2021 jyldan bastap – joǵary qysym, ballast júkteriniń tútikterin, 2025 jyldan bastap – kabınalar, baktar, kótergish jaqtaýlar, dıskiler, kardan biligin, teńdestirgish daıyndaý jáne t. b.). Úsh kezeńde iske asyrylatyn jobaǵa salynǵan ınvestısııalardyń jalpy kólemi 7,3 mlrd teńgeni quraıdy, óndiriste 500-ge jýyq jańa jumys ornyn jáne irgeles salalarda 700 jumys ornyn qurý kózdelgen.
Premer-Mınıstrdiń qatysýymen «Peterbýrg traktor zaýyty» AQ (PTZ) bas dırektory S. Serebrıakov jáne Qazaqstan avtobıznes qaýymdastyǵynyń prezıdenti S. Lavrentev «PTZ» AQ-nyń Qostanaı traktor zaýytynyń jarǵylyq kapıtalyna kirýi týraly kelisimge qol qoıdy. Qazaqstan aldyna aýyl sharýashylyǵy tehnıkalary men onyń quraýyshtarynyń joǵary tehnologııalyq óndiristerin qurý mindetin qoıady. Búgin biz aty ańyzǵa aınalǵan “Kıroves” traktorynyń óndirisin iske qosamyz. Jańa zaýyt Qazaqstannyń aýyl sharýashylyǵy salasyn elimizde qurastyrylǵan “Kıroves” sapaly ári senimdi tehnıkasymen qamtamasyz etedi», — dedi A. Mamın.
Úkimet basshysy Qazaqstannyń aýyl sharýashylyǵy tehnıkasynyń naryǵyn keńeıtýge, ony odan ári eksporttaýǵa, jergiliktendirý prosesterin tereńdetýge jáne servıs deńgeıin arttyrýǵa múddeli ekenin atap ótti.
«Qazaqstanda “Kıroves” energııa tıimdi traktorlarynyń zamanaýı óndirisin ashý otandyq mashına jasaý salasyn damytý strategııasyna sáıkes keledi. Atalǵan jobany bastaý ónimdiligi joǵary jańa jumys oryndaryn qurýǵa, aýyl sharýashylyǵy men TKSh salasyna traktorlardy shyǵarýǵa, jergiliktendirýdi ulǵaıtýǵa jáne ónerkásiptiń irgeles salalaryn damytýǵa múmkindik beredi», — dedi A. Mamın.
Úkimet basshysy Qazaqstanda alǵash ret shyǵarylǵan «Kıroves» traktoryn ózi synaqtan ótkizdi.
Qazaqstanda «PTZ» AQ ónimderi keńinen taralǵan. Máselen, 2014-2017 jyldar aralyǵynda elimizde 500-ge jýyq «Kıroves» traktory ótkizilgen. Aýyl sharýashylyǵy mınıstrliginiń derekterine sáıkes, QR-daǵy traktorlarǵa degen jyl saıynǵy qajettilik shamamen 1600 traktordy quraıdy.
Buǵan qosa, Premer-Mınıstr jumys sapary aıasynda óńirdegi qurylys jáne toqyma salasyndaǵy iri kásiporyndar — «Qostanaı-MBI» JShS úı qurylysy kombınaty men «Bolshevıchka» óndiristik kooperatıviniń jumysymen tanysty.
Bıylǵy 9 aıdyń qorytyndysy boıynsha Qostanaı oblysynda ónerkásiptik óndiris kólemi 862,8 mlrd teńgeni qurady (naqty kólem ındeksi – 115,1%). Taý-ken óndirý ónerkásibiniń kólemi – 373,4 mlrd teńgeni (NKI – 107,8%). О́ńdeý ónerkásibinde óndiris kólemi 23,8%-ǵa ulǵaıyp, 446,6 mlrd teńgeni qurady. О́sim mashına jasaý salasyndaǵy kólemniń 95,9%-ǵa (óńdeýdegi úlesi – 36,4%), metallýrgııadaǵy kólemniń 28,3%-ǵa (óńdeýdegi úlesi – 21,6%), sondaı-aq, mashınalar men jabdyqtardan basqa, daıyn metall buıymdary men jeńil ónerkásip kóleminiń ulǵaıýy esebinen qamtamasyz etildi.
