Foto: Aqorda
Qasym-Jomart Toqaev Konstıtýsııada tarıhı-mádenı muramyzdy saqtaý máselesine de basa nazar aýdarylǵanyn jetkizdi.
«Endi mádenıet salasyn qoldaý – memlekettiń konstıtýsııalyq mindeti. Qazir bul baǵytta aýqymdy sharýa jasalyp jatyr. Men Memleket basshysy retinde ult rýhanııatyna adal qyzmet etip júrgen mamandardyń áleýmettik jaǵdaıyn jaqsartýǵa erekshe mán berip otyrmyn. Máselen, sońǵy bes jylda olardyń jalaqysy eki ese ulǵaıdy. Bıyldan bastap ónerpazdarǵa beriletin memlekettik stıpendııa kólemi eki ese ósedi. Tek byltyrdyń ózinde elimizde 61 mádenıet nysany salyndy. 250-den astam mekemege jóndeý jumystary júrgizildi. О́tken jyly Prezıdent Jarlyǵymen úsh birdeı murajaıǵa «Ulttyq» mártebe berildi. Bul jumys bıyl da jalǵasyn tabady. Menińshe, Maksım Gorkıı atyndaǵy Memlekettik akademııalyq orys drama teatryna jáne Erkeǵalı Rahmadıev atyndaǵy Memlekettik akademııalyq fılarmonııaǵa «Ulttyq» mártebe berilse, oryndy bolar edi. Sondaı-aq Sábıt Muqanov atyndaǵy oblystyq qazaq mýzykalyq-drama teatryna «Akademııalyq» mártebe berý kerek dep esepteımin. Atalǵan óner ujymdary tutas elimizdiń rýhanı murasyn baıytýǵa ólsheýsiz úles qosyp keledi», dedi Prezıdent.
Qasym-Jomart Toqaev: Qazaq – ónerdiń kıesin uǵatyn, ónerpazdyń qadirin biletin jurt
