Qazaq kınosy kúnderi Aýǵanstannan elge oralǵan qandastarymyz týraly baıandaıtyn «Oralman» fılmimen ashylady. Kórermenderge bul týyndyny Qazaqstannyń eńbek sińirgen qaıratker, fılmniń ssenarıı avtory Nurlan Sanjar tanystyrady.
Sondaı-aq qazaq kınosynyń aptalyǵy sheńberinde «Qazaqfılm» kınostýdııasy shyǵarǵan ózge da kınotýyndylar kórsetiledi.
-29 qazan rejısser Qazaqstannyń eńbek sińirgen qaıratkeri, basty róldi somdaǵan akter Ádil Ahmetov tanystyrýymen Aqan Sataevtyń «Anaǵa aparar jol» tarıhı dramasy kórsetiledi.
-30 qazan Satybaldy Narymbetovtyń «Amanat» fılmi usynylady. Tarıhı kınotýyndyny Qazaqstannyń eńbek sińirgen qaıratkeri, basty róldi somdaǵan akter Berik Aıtjanov tanystyrady.
-31 qazan Ermek Tursynovtyń «Shal» fılmi kórermenge jol tartady. Fılmdi Qazaqstannyń eńbek sińirgen qaıratkeri, prodıýser Qanat Tórebaı tanystyrady.
Al 1 qarashada Qazaq kıno aptalyǵynyń jabylý saltanatynda «Aıka» fılmi kórsetiledi. Bul fılmniń kórsetilimine rejısser Sergeı Dvorsevoı jáne aktrısa Samal Eslıamova qatysady.
Árbir kınokórsetiliminen soń Londondaǵy bedeldi JOO professorlary men kınosynshylary fılm týraly oı pikirlerimen bólisedi.
Qazaq kınosy Londondaǵy Vue West End kınoteatrynda kórsetiledi.
