Shara barysynda stýdentter men joǵarǵy oqý oryndarynyń magıstranttary ekstremızmniń aldyn alý, eriktilerdiń qaıyrymdylyq qozǵalystaryn uıymdastyrý jáne áleýmettik jeliler resýrstaryn tıimdi paıdalaný boıynsha túrli saýalǵa jaýap aldy. Oqytý semınary barysynda taraptar radıkaldyq ıdeologııanyń teris yqpalynan saqtaný, ekstremıstik ıdeıalarǵa toıtarys berý máselelerin talqylady.
–Semınarlardyń maqsaty – ekstremızmge qarsy volonterlik qozǵalys jáne áleýmettik jelilerdegi jumystardy damytý. Jáne basqa konfessııalar ókilderine toleranttyq kózqaras qurý– deıdi bloger Iаkov Federov.
Semınar uıymdastyrýshylarynyń paıymynsha, jastar eshqandaı dáleldenbegen qaǵıdalarsyz-aq eriktiler qozǵalysyn qurý arqyly qaıyrymdylyq istermen aınalysa alady. Eriktilerdiń uıymyn qurýdy meńgerý, áleýmettik jelilerdi tıimdi paıdalana bilý de mańyzdy mindetter qatarynda.
–Bizdiń oıymyzdy damytýǵa kóp úlesin qosyp jatyr. Bizge kóptegen ıdeıalardy aıtyp jáne olardy qalaı damytý kerektigin, din jolynda qalaı teris jolǵa ketpeý kerektigin bárin túsindirip jatyr, bizge bul unap jatyr. Sebebi bul jerde ózińniń de pikirińdi bildirýge bolady, – deıdi stýdent Albına Nurbaeva.
Elimizde «Ekstremızmsiz Qazaqstan» atty respýblıkalyq aksııa jumysyn bastady. Osy aksııa aıasynda baıqaý uıymdastyrylyp, elordada qorytyndylanady.
