Parlament • 28 Qazan, 2019

R. Ábdikerov Azııa Parlamenttik Assambleıasynyń otyrysyna qatysty

221 ret

kórsetildi

1 mın

oqý úshin

Parlament Senaty Konstıtýsııalyq zańnama, quqyq qorǵaý organdary jáne sot júıesi komıtetiniń múshesi Rysqalı Ábdikerov Túrkııanyń Rıze qalasynda Azııa Parlamenttik Assambleıasy Atqarýshy keńesiniń 1-shi otyrysyna qatysty. Bul týraly Parlament Senatynyń baspasóz qyzmeti habarlady.

Egemen Qazaqstan

R. Ábdikerov Azııa Parlamenttik Assambleıasynyń otyrysyna qatysty

Shara barysynda APA Áleýmettik jáne mádenı ister, Ekonomıkalyq jáne turaqty damý, Saıası ister, Bıýdjet pen josparlaý turaqty komıtetteriniń otyrystary bolyp ótti. Sondaı-aq Bıýro músheleri saılanyp, Qatar men Shyǵys Tımordyń APA-ǵa múshe bolý týraly ótinishteri jáne turaqty komıtetterde rezolıýsııalar qaraldy.

Onyń ishinde, Álemdik dinder arasyndaǵy dinaralyq dıalog pen kelisimdi ilgeriletý jónindegi rezolıýsııada Álemdik jáne dástúrli dinder lıderleri VI seziniń jahandyq órkenıetter men dinder arasyndaǵy túsinistikke qosqan úlesi atap ótildi.

Sharaǵa Aýǵanstan, Ázirbaıjan, Bahreın, Bangladesh, Býtan, Iordanııa, Iraq, Iran, Kambodja, Kýveıt, Qatar, Pákistan, Palestına, Reseı, Túrkııa jáne Shyǵys Tımor parlamentteriniń delegasııalary qatysty.