«О́kinishke oraı, Almaty qylmys boıynsha kósh bastap tur. Bul kórsetkishter adam sanynyń kóptigine baılanysty ekeni túsinikti. Degenmen, bul problemany tez arada toıtarý kerek. Osy salǵyrttyqtyń saldarynan qazaq sportynyń jaryq juldyzy Denıs Tennen kóz jazyp qaldyq», dedi Prezıdent.
Syn túzelmeı min túzelmeıtinin aıtqan Memleket basshysy sondaı-aq «Ile Alataýy» ulttyq parki aýmaǵyndaǵy jeke tulǵalarǵa zańsyz berilgen jer telimderin anyqtap shara qoldanýdy, stýdentter úshin jataqhana tapshylyǵy máselesin túbegeıli retteýdi tapsyrdy.
«Almaty jalyndy jastardyń qalasy» degen Prezıdent, jastarǵa san baǵytta qoldaý kórsetýge aıryqsha nazar aýdarý kerektigin atap ótti.
