Jańa jobanyń jumys tobymen kezdestim. Olar maǵan keńesterin berip, qarjy alýym úshin mıkro nesıelendirýge qujat tapsyrdym. Kópten beri qalaı qadam jasaýdy bilmeı júrgende, osyndaı sátti jobanyń izdiń qalamyzǵa kelip, júzege asýy biz sııaqty kásipkerlerge úmit syılady. Kásipkerge qajetti keńesterdi paıdalanyp, kásibimdi jaqyn arada ashpaqpyn, deıdi Bolat Týlanov.
Jańa jobanyń Jańaózen qalasynda júzege asqanyna da úsh apta boldy. Osy aralyqta kóptegen ilkimdi sharalar qolǵa alyndy. Jańaózen shahary men oǵan jaqyn ornalasqan eldi mekenderge, saýda ortalyqtaryna, bazarlarǵa kóshpeli jumys toby 10 shaqty ret bardy. Iri kásiporyndarda ujymmen kezdesýler ótti. Munaıly qaladaǵy kolledjderde stýdenttermen jeke tulǵany damytý baǵytynda birqatar kýrstar uıymdastyryldy.
«Atameken» UKP Basqarýshy dırektor-jappaı kásipkerlik jáne mıkro qarjylandyrý departamentiniń dırektory Baýyrjan Orazǵalıevtiń aıtýynsha, qazir Jańaózen qalasynda 12 myńǵa jýyq jumyssyz bar. 160 myń turǵyny bar qalada aqparattandyrý jumystaryn kúsheıtý kerek. Munaı óndirýshi monoqalada avtomattandyrý zaman talabyna saı iske asady. Sonda jumyssyzdyq beleń alyp ketpeýi kerek. Halyqtyń jeke kásibi, qaıta mamandyq alý múmkindigi bolýy qajet. Osynda jınaqtalǵan usynystar men tujyrymdar Úkimet deńgeıinde qarastyrylatyn bolady.
«Kásip túbi-násip» jobasy aıasynda bir aıda 2200 kásipkerge kásibı mamandar keńes berip, máselesin sheshý josparlanyp otyr. Ásirese, iskerler kóp tuıyqqa tireletin ekinshi deńgeıli banktermen qarjylyq máseleler, kásipkerler quqyǵyn qorǵaý syndy jaıttardy súıemeldeý jalǵasýda. Qaladaǵy kásibı bilim beretin arnaıy oqý oryndary naryqqa qajetti mamandar daıyndap jatyr ma? degen saýal da zertteledi. 9-11 synyp oqýshylaryna «Kásibı baǵdarlaý» baǵdarlamasy boıynsha 2800 oqýshymen jumys júrgizilip, jergilikti jastarǵa munaı salasymen shektelmeı, qoǵamǵa qajetti basqa da salany kóterý týraly aqparattandyrý jumystary qolǵa alyndy. Jastar jyly aıasynda jas jetkinshekter men kásipkerlerdi kýrstar men trenıngterge qatystyryp, qaıtarymsyz grant, shaǵyn nesıeler alý múmkindigin týǵyzý baǵytynda da qarqyndy sharalar júzege asýda.
Esterińizge sala keteıik, «Kásip túbi-násip» jobasy 7 qazanda bastaldy. Ony júzege asyrý jyl sońyna deıin jalǵasady. Joba barysynda: Memlekettik qoldaý baǵdarlamalary; Marketolog qyzmeti; Zań qyzmetteri; Aýylsharýashylyǵy salasy; Memlekettik jáne jeke-menshik (elektrondy) satyp alýlar; Kásipkerlikti damytýǵa qatysty usynystar; Bıznesti qarjylandyrý tetikteri. «Agrarlyq nesıe korporasııasy», «Aýyl sharýashylyǵyn qarjylaı qoldaý qory» AQ, ««Kaspıı» áleýmettik-kásipkerlik korporasııa» AQ mamandary keńes beredi.
