61 kılo salmaq dárejesinde úndistandyq Ravınder Ravınder men qyrǵystandyq Ulyqbek Joldoshbekov kúresedi. Shırek fınalda qyrǵyz balýanynan jeńilgen bizdiń Dáýlet Tájibaı jubynysh básekesinde ýkraınalyq Valentın Blıaseskıımen sheberlik baıqasady.
74 kılo salmaqtyń bas júldesin reseılik Razambek Jamalov pen ırandyq Muhammad Nohodılarımı ózara sarapqa salady. Qazaqstandyq Darhan Esenǵalı 1/8 fınalda joǵaryda esimi atalǵan Parsy eliniń ókiline ese jibergen edi.
86 kılo salmaqtyń aqtyq synynda ázirbaıjandyq Gadjımurad Magomedsaıdov pen ırandyq Kamran Gasempýr kúsh synasady. Shırek fınalda Esqalı Dáýletqazy japonııalyq Haıato Ishıgýroǵa ese jiberdi. Kún Shyǵys eliniń ókili kelesi kezdesýde utylǵandyqtan qandasymyz úshin bul jarys aıaqtaldy.
82 kılo salmaq dárejesiniń altyn júldesi úshin reseılik Batyrbek Sakýlov pen amerıkalyq Dın Nıkal aıqasady. Qazaqstannyń ókili Shámil Magomadov óziniń tusaýkeser kezdesýinde Ýkraınanyń ókili Vıtalıı Sovaǵa jol berip, kórermender qataryna qosyldy.
125 kılo salmaqtyń teńdessizi reseılik Vıtalıı Goloev pen ırandyq Abbas Zare arasyndaǵy tartysta anyqtalady. Alyptar arasyndaǵy aıqasta Qazaqstannyń týy astynda óner kórsetken Iýsýp Batyrmurzaev shırek fınalǵa deıin jetti. Sol mejede ol Iran sportshysynan utyldy. Qarsylasy fınalǵa deıin jetkendikten jerlesimiz jubanysh básekesinde baq synaıdy.
