Qazaqstan Respýblıkasy Úkimetiniń qaýlysy № 428
Sársenbi, 15 mamyr 2013 0:53
2013 jylǵy 30 sáýir, Astana, Úkimet Úıi
«Aqyly avtomobıl joldaryn jáne kópir ótkelderin paıdalaný erejesin bekitý týraly» Qazaqstan Respýblıkasy Úkimetiniń 2007 jylǵy 30 qańtardaǵy № 71 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Aqyly avtomobıl joldaryn jáne kópir ótkelderin paıdalaný erejesin bekitý týraly» Qazaqstan Respýblıkasy Úkimetiniń 2007 jylǵy 30 qańtardaǵy № 71 qaýlysyna (Qazaqstan Respýblıkasynyń PÚAJ-y, 2007 j., № 2, 31-qujat) mynadaı ózgerister engizilsin:
taqyryby mynadaı redaksııada jazylsyn:
«Aqyly avtomobıl joldaryn jáne kópir ótkelderin paıdalaný qaǵıdalary men sharttaryn bekitý týraly»;
Sársenbi, 15 mamyr 2013 0:53
2013 jylǵy 30 sáýir, Astana, Úkimet Úıi
«Aqyly avtomobıl joldaryn jáne kópir ótkelderin paıdalaný erejesin bekitý týraly» Qazaqstan Respýblıkasy Úkimetiniń 2007 jylǵy 30 qańtardaǵy № 71 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Aqyly avtomobıl joldaryn jáne kópir ótkelderin paıdalaný erejesin bekitý týraly» Qazaqstan Respýblıkasy Úkimetiniń 2007 jylǵy 30 qańtardaǵy № 71 qaýlysyna (Qazaqstan Respýblıkasynyń PÚAJ-y, 2007 j., № 2, 31-qujat) mynadaı ózgerister engizilsin:
taqyryby mynadaı redaksııada jazylsyn:
«Aqyly avtomobıl joldaryn jáne kópir ótkelderin paıdalaný qaǵıdalary men sharttaryn bekitý týraly»;
1-tarmaq mynadaı redaksııada jazylsyn:
«1. Qosa berilip otyrǵan Aqyly avtomobıl joldaryn jáne kópir ótkelderin paıdalaný qaǵıdalary men sharttary bekitilsin.»;
kórsetilgen qaýlymen bekitilgen Aqyly avtomobıl joldaryn jáne kópir ótkelderin paıdalaný erejesi osy qaýlyǵa qosymshaǵa sáıkes jańa redaksııada jazylsyn.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa enpziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 30 sáýirdegi №428 qaýlysymen bekitilgen
Aqyly avtomobıl joldaryn jáne kópir ótkelderin paıdalaný qaǵıdalary men sharttary
1. Jalpy erejeler
1. Osy Aqyly avtomobıl joldaryn jáne kópir ótkelderin paıdalaný qaǵıdalary men sharttary (budan ári – Qaǵıdalar) «Avtomobıl joldary týraly» 2001 jylǵy 17 shildedegi Qazaqstan Respýblıkasynyń Zańyna (budan ári – Zań) sáıkes ázirlendi jáne avtomobıl joldaryn basqarý jónindegi zańdy tulǵalarǵa jáne/nemese konsessıonerlerge paıdalanýǵa berilgen Qazaqstan Respýblıkasynyń aqyly avtomobıl joldaryn jáne kópir ótkelderin paıdalaný tártibi men sharttaryn aıqyndaıdy.
2. Osy Qaǵıdalarda Zańda kózdelgen uǵymdar jáne mynadaı uǵymdar paıdalanylady:
1) kópir ótkeli – kópirdi, kópirge kireberisti, retteý jáne qorǵaý kurylystaryn qamtıtyn, sý kedergilerin eńserýge arnalǵan ınjenerlik qurylystar kesheni;
2) aqyly avtomobıl joldaryn jáne kópir ótkelderin paıdalaný -aqyly avtomobıl joldary jáne kópir ótkelderi boıynsha avtokólik kuraldarynyń belgilengen júktemelerimen, gabarıtterimen úzdiksiz, qaýipsiz qozǵalysyn qamtamasyz etý jónindegi is-sharalardy júzege asyrý jáne paıdalaný kezeńinde olardyń kóliktik-paıdalaný jaı-kúıin ustaý;
3) avtomobıl joldaryn basqarý jónindegi zańdy tulǵa (budan ári – zańdy tulǵa) – Qazaqstan Respýblıkasy Úkimetiniń sheshimi boıynsha qurylǵan, aksııalarynyń baqylaý paketi memleketke tıesili jáne qyzmetiniń máni jol qyzmetin júzege asyrý bolyp tabylatyn aksıonerlik qoǵam;
4) avtomobıl joldaryn paıdalanýshylar – jol qozǵalysyna qatysýshylar bolyp tabylatyn nemese avtomobıl joldaryna bólingen beldeý men jol boıyndaǵy beldeý sheginde ózge de qyzmetti júzege asyratyn jeke jáne zańdy tulǵalar.
2. Aqyly avtomobıl joldaryn jáne kópir ótkelderin paıdalaný tártibi men sharttary
3. Aqyly avtomobıl joldaryn jáne kópir ótkelderin paıdalaný Qazaqstan Respýblıkasynyń zańnamasyna sáıkes olardy jóndeý men kútip ustaý jónindegi is-sharalardy zańdy tulǵanyń jáne/nemese konsessıonerdiń ýaqtyly qamtamasyz etýin kózdeıdi.
4. Qazaqstan Respýblıkasy Úkimetiniń sheshimine sáıkes aqyly avtomobıl joldary senimgerlik basqarý jáne paıdalaný úshin berilgen zańdy tulǵa jáne/nemese konsessıoner aqyly avtomobıl joldary men kópir ótkelderin tıisti paıdalaný maqsatynda:
1) Qazaqstan Respýblıkasynyń zańnamasyna sáıkes avtomobıl joldaryn paıdalaný kezinde qaýipsizdik talaptarynyń saqtalýyn qamtamasyz etedi;
2) qysqy kezeńde aqyly avtomobıl joldaryn jáne kópir ótkelderin qardan tazartýdy qamtamasyz etedi jáne jamylǵynyń taıǵaqtyǵyna qarsy sharalar qabyldaıdy;
3) kólik quraldarynyń úzdiksiz jáne qaýipsiz júrip ótýin jáne tabıǵatty qorǵaý zańnamasy talaptarynyń saqtalýyn qamtamasyz etedi;
4) Qazaqstan Respýblıkasynyń zańnamalyq aktilerine sáıkes avtomobıl joldaryn paıdalanýshylarǵa jol jaǵdaılarynyń sebepteri boıynsha týyndaǵan jol-kólik oqıǵalary keltirgen zııandy óteý jónindegi sharalardy qabyldaıdy;
5) Qazaqstan Respýblıkasynyń zańnamalyq aktilerine sáıkes avtomobıl joldaryna bólingen beldeýdiń fıtosanıtarııalyq jaı-kúıin qamtamasyz etedi;
6) avtomobıl joldarynyń boıynda qorǵanysh ekpelerin kútip-ustaıdy;
7) jol organdarymen kelisim boıynsha, jol polısııasy bólimshelerimen jáne tótenshe jaǵdaılar jónindegi ýákiletti organmen birlesip, shuǵyl jaǵdaılarda (qolaısyz aýa raıy-klımattyq jaǵdaılar, dúleı apattar, órt, avtomobıl joldarynyń kóterý qabiletiniń joıylýy), sondaı-aq jóndeý-qurylys jumystaryn júrgizgen kezde bul jóninde jergilikti atqarýshy organdardy jáne avtomobıl joldaryn paıdalanýshylardy tıisti jol belgilerin qoıyp jáne buqaralyq aqparat quraldary arqyly habardar ete otyryp, kólik kuraldary qozǵalysyn shekteıdi nemese toqtady;
8) dúleı meteorologııalyq qubylystar men tabıǵı jáne tehnogendik sıpattaǵy tótenshe jaǵdaılardyń saldarlaryn joıady;
9) jol polısııasy bólimshelerimen ózara is-qımyl jasaı otyryp, jol-kólik oqıǵalarynyń esebin júrgizedi, olardyń týyndaýyna yqpal etetin sebepter men jaǵdaılardy taldaıdy, olardyń aldyn alý men joıý jónindegi is-sharalardy ázirleıdi;
10) kólik qozǵalysynyń joǵary, qaýipsiz jyldamdyǵyn qamtamasyz etý arqyly júrip ótýdiń joǵary sapasyn jáne onyń búkil ón boıynda joǵary servıstik qyzmet kórsetýdi qamtamasyz etedi;
11) jol qozǵalysyna qatysýshylardy qutqarý, jol-kólik oqıǵalary, avarııalar, dúleı apattar jaǵdaılarynda olarǵa dárigerge deıingi medısınalyq kómek kórsetý boıynsha sharalar qabyldaıdy;
12) jol polısııasy bólimshelerine jol-kólik oqıǵalaryn tergeýge járdem kórsetedi, sondaı-aq eger jol-kólik oqıǵasy ilespe jol jaǵdaılary boıynsha bolsa, qyzmettik tekserý júrgizedi;
13) Qazaqstan Respýblıkasynyń zańnamasyna sáıkes jedel-izdestirý qyzmetin júzege asyratyn organdarǵa járdem kórsetedi;
14) jol qozǵalysyn uıymdastyrýdyń tehnıkalyq qúraldaryn (qorshaýlar, jol belgileri, joldy belgileý, baǵyttaıtyn qurylǵylar, jaryqtandyrý jelileri, baǵdarshamdar, qozǵalysty avtomattandyrylǵan basqarý júıeleri) ornatý men jóndeýdi qamtamasyz etedi;
15) qajetti aqparattyq-kommýnıkasııalyq jelilerge qosý arqyly avtokólik quraldary qozǵalysynyń monıtorıngi úshin ólsheý qúrylǵylaryn, jabdyqtardy ornatýdy jáne baǵdarlamalyq qamtýdy qamtamasyz etedi;
16) Qazaqstan Respýblıkasynyń zańnamasyna sáıkes aqyly avtomobıl joldary boıynsha júrip ótkeni úshin aqyny alýdy qamtamasyz etedi.
5. Aqyly avtomobıl joldaryn jáne kópir ótkelderin kútip-ustaý boıynsha jumystar turaqty negizde júzege asyrylady.
6. Avtomobıl joldary men kópir ótkelderin kútip-ustaý boıynsha jumystardy ýaqtyly júrgizý maqsatynda olardy vızýaldy tekserý kún saıyn júzege asyrylady.
7. Aqyly avtomobıl joldarynyń jáne kópir ótkelderiniń paıdalanylýyn baqylaýdy avtomobıl joldary jónindegi ýákiletti memlekettik organ júzege asyrady.
