Aqtaý, Aqtóbe jáne Atyraý garnızondary áýe shabýylyna qarsy qorǵanys bólimsheleriniń 200-ge jýyq áskerı qyzmetshisi is júzinde jaýyngerlik maqsattaǵy máselelerdi pysyqtady. Oǵan 50-ge jýyq áskerı tehnıka jumyldyryldy.
Áskerı qyzmetshiler ZÝ-23-2 zenıttik qondyrǵylarynan jáne tasymaldanatyn zenıttik-zymyran kesheninen jaýyngerlik jáne oqý-jattyǵý atystaryn, zenıttik-artıllerııalyq vzvodtar atystaryn jáne zenıttik dıvızıonnyń taktıkalyq jattyǵýlaryn oryndady, sondaı-aq jaýyngerlik úılestirýdiń sońǵy kezeńin pysyqtady.
Jıyn barysynda daıyndyǵy jaqsy bólimshelerdi anyqtaý úshin arnaıy saıys uıymdastyryldy. Áskerı qyzmetshiler zenıttik-artıllerııanyń atys kýrsy boıynsha teorııalyq erejelerinen biliktilikterin kórsetip, taktıkalyq jáne arnaıy daıarlyq boıynsha kórsetkishterin oryndady.
«Batys» óńirlik qolbasshylyǵynyń áýe shabýylyna qarsy qorǵanys áskerleriniń bastyǵy, podpolkovnık Rýslan Nurahmetovtiń aıtýynsha, Atyraý qalasy áskerı bóliminiń zenıtshileri úzdik nátıjege qol jetkizgen.
О́tkizilgen jaýyngerlik atystar men taktıkalyq oqý-jattyǵýlardyń nátıjeleri boıynsha zenıttik bólimshelerdiń komandırleri olardy jaýyngerlik ázirlikke keltirý kezinde, jaýyngerlik is-qımyldardy daıyndaý jáne júrgizý kezinde áskerlerdi basqarýda jańa praktıkalyq tájirıbe aldy. Zenıttik dıvızıondardyń taktıkalyq jattyǵýlary jaqsy daıarlanǵan bólimshelerdi anyqtaýǵa, sondaı-aq áýe shabýylyna qarsy qorǵanys áskerı qyzmetshilerin daıarlaý júıesin odan ári jetildirý úshin jumys josparyn anyqtaýǵa múmkindik berdi.
