Soǵan oraı búginde Áýe qorǵanysy kúshteri Áskerı ınstıtýtynyń ushaqtar men tikushaqtar parki qysqy kezeńde ushýlardy oryndaýǵa daıyndalýda. Áskerı ınstıtýtta «Aqtóbe» jáne «Hlebodarovka» avıasııalyq tehnıkasy men aerodromdaryn kúzgi-qysqy paıdalaný kezeńine kóshirý júrgizilip jatyr.
«Aýa raıy sýytqanǵa deıin avıasııa mamandar Áýe qorǵanysy kúshteri Áskerı ınstıtýtynyń avıasııalyq parkin quraıtyn ushaqtar men tikushaqtardy ázirleýi qajet. Bir áýe kemesin qysqa daıyndaý jumystary jeti kúnge deıin sozylady, onyń ishinde qozǵaltqyshtardyń, báseńdetkishterdiń maılaryn aýystyrý boıynsha montajdaý jáne bólshekteý jumystary júrgiziledi, radıoelektrondyq jabdyqtar tekseriledi, sondaı-aq arqandardy tartý jáne taǵy da basqa jumystar oryndalady», dep aǵa ınjener-ádisker, podpolkovnık Nurken Jumashev. Ol tehnıkalyq is-sharalardyń erekshelikteri týraly pikirin bildirdi.
Onyń aıtýynsha, munda kabına shynysynyń rezeńke tyǵyzdaýyshyna, amortızasııalyq tirekterge, kúshtik sılındrlerge jáne júıelerdegi basqa da qosylystarǵa erekshe kóńil bólinedi. Elektrlik, radıotehnıkalyq jáne navıgasııalyq jabdyqtar, sondaı-aq órtke qarsy júıe asa nazar aýdarýdy talap etedi.
Munda qysqy kezeńge avıasııalyq tehnıkalardy ǵana ázirlep qoımaı, Áýe qorǵanysy kúshteri Áskerı ınstıtýtynyń oqý-avıasııalyq ortalyǵynyń ushý-nusqaýshy quramyn da daıarlaıdy. Al kúzgi-qysqy kezeńdegi daıarlyqtan barlyq avıasııalyq personal mindetti túrde ótedi. Ushqyshtar synaqtardy tapsyryp, qıyn meteorologııalyq jaǵdaılarda, kúndiz jáne túnde, nóldik kóriný jaǵdaıynda ushýlardy oryndaıdy. Tikushaqtarda kúzgi-qysqy kezeńdegi praktıkalyq daıarlyǵynda jerdegi jáne aýadaǵy apattyq jaǵdaılar boıynsha, aspaptar arqyly ushý jáne qoný, «ekinshi aınalymǵa» ketý, «tikushaqty kúrdeli jaǵdaıdan shyǵarý» pysyqtalady. Sondaı-aq kún saıyn izdestirý-qutqarýdy qamtamasyz etý boıynsha kezekshilik atqarylady.
