Salyǵyn ýaqytyly tólemegender men qaryzyn ótemegenderdiń tizimi ınternette jurt kóretin boryshkerler tizimine jarııalanady. Salyq organdary bereshek paıda bolǵannan keıin 20 jumys kúni ishinde jeke tulǵanyń atyna habarlama jiberedi. Eger habarlamany alǵannan keıin 30 jumys kúni ótkennen soń salyq bereshegi ótelmese, onda salyq organy ony óndirip alý týraly buıryq shyǵarady jáne 5 jumys kúninen keshiktirmeı ony jeke tulǵaǵa jiberedi.
Eger salyq buıryǵyn alǵannan keıin 5 jumys kúni ishinde boryshker salyq bereshegin ótemese, onda ýákiletti organ mundaı buıryqty sot oryndaýshylaryna májbúrlep oryndatý úshin jiberedi. Sot salyq buıryǵyn alǵan kezde boryshty óndirip alýdy májbúrlep oryndatý rásimin bastaıdy. Onyń barysynda bank shottaryndaǵy múlik pen aqshaǵa tyıym salyný, elden tys jerlerge shyǵýǵa tyıym salyný qarastyrylǵan.
Salyq bereshegin óteýden basqa, jeke tulǵa qaryz somasynyń keminde 20% mólsherinde sot oryndaýshysynyń qyzmetin de tóleýi qajet bolady.
