Qaıǵyly habardy Ǵ.Músirepov atyndaǵy jasóspirimder teatrynyń ókilderi rastady.
Raısa Májıtqyzy Muhamedııarova 1939 jyly 11 shildede Semeı oblysy Kókpekti aýylynda dúnıege kelgen. Qazaq SSR jáne Qazaqstannyń eńbek sińirgen ártisi. Qazaq kınosy men teatr salasyna ólsheýsiz eńbek sińirgen aktrısa.
Ol qazaq kınosynyń altyn qoryna engen «Meniń atym Qoja» fılmindegi Maıqanova rólin somdaǵan. Sondaı-aq aktrısa «Balalyq shaqqa saıahat», «Balam meniń», «Buǵy adam», «Naızatas eteginde», «Qanabek», «Aısulý týraly ertegi», «Jelken», «Meniń ápkem», «Túnek ámirshisi» fılmderinde oınady.
Raısa Muhamedııarovany aqtyq saparǵa shyǵaryp salý rásimi 7 qarashada ótedi.
