2007 jyldan bastap Qazaqstanda estý qabileti aýyr túrde buzylǵan (sańyraý) 2 myńǵa jýyq azamat memlekettik bıýdjet esebinen kohlearlyq ımplantasııa tásilimen operasııadan ótti. Búginde bul osy sanattaǵy adamdardy ońaltýdyń jalǵyz tıimdi ádisi.
Kohlearlyq ımplanttary bar balalardy ýaqtyly tehnıkalyq qoldaý maqsatynda 2015 jyldan bastap memleket sóıleý prosessorlaryn aýystyrý qyzmetin engizdi, 2017 jyldan bastap bul qyzmet kohlearlyq ımplanttary bar eresek azamattarǵa da usynylady.
2015 jyldan bastap 2018 jylǵa deıin kohlearlyq ımplanttary bar 934 adamǵa, onyń ishinde 796-syn balalarǵa, jalpy somasy 3,1 mlrd teńgege sóıleý prosessorlaryn aýystyrý qyzmeti kórsetildi.
Rezervtik qor qurý maqsatynda 2016 jyldan bastap múgedekterge protezdik-ortopedııalyq kómekpen jáne tehnıkalyq kómekshi (kompensatorlyq) quraldarmen qamtamasyz etý erejelerine sáıkes 2015 jyldan bastap paıdalanylǵan sóıleý prosessorlary qaıtaryldy.
Sóıleý prosessorlary qurylǵy joǵalǵan, buzylǵan, urlanǵan jaǵdaıda, jańasyna, aýystyrylǵanǵa nemese jóndelgenge deıin merziminen buryn rezervtik qordan shyǵaryldy.
Máselen, aǵymdaǵy jyldyń basynan beri rezervtik qordan 82 qoldanylǵan sóıleý prosessory berildi. Jalpy, olardy 2016 jyldan bastap 2019 jyldyń qazan aıyna deıin rezervtik qordan tegin alý quqyǵyn kohlearlyq ımplanttary bar 199 múgedek paıdalandy.
Alaıda, múgedektigi bar adamdardyń aıtýynsha, keıbir jaǵdaılarda joǵaryda kórsetilgen normanyń áreketi estý-sóıleý ońaltýyn úzýge ákep soqty, sebebi olarǵa rezervtik qordan tehnıkalyq quraldy alý úshin Almatyǵa barýǵa týra keldi. Qoldanystaǵy normanyń kúshin joıý estý qabileti boıynsha múgedekterge jańa sóıleý prosessoryn alǵan kezde eskilerin ózderinde qaldyrýǵa, sol arqyly ońaltý prosesin úzbeýge múmkindik beredi.
