Joldardy qysqy kezeńge daıyndaý jalǵasýda

Bıyl qysqy kezeńde halyqaralyq jáne respýblıkalyq joldardyń 24,9 myń sha­qyrymy kútip ustalady dep jos­parlanýda. Joldardyń 21,1 myń shaqyrymy «Qazaqavtodor» kompa­nııasynyń balansynda. Al 3,4 myń shaqyrym jol osy nysandarda qaıta jańartý jumystaryn júrgizip jatqan merdigerlik uıymdardyń kúti­mine alynatyn bolady.Sonymen qatar joldardyń 422 shaqyrymy kúr­deli jóndeý jumystary júrip jatqan aýyspaly nysandarǵa jatady.

Qysqy kezeńge daıyndyq ju­mys­ta­ry bıylǵy mamyrda bastalǵan bolatyn. Shilde jáne tamyz aılarynyń aralyǵynda jol sharýashylyǵy nysandarynyń qysqy kezeńdegi jumysqa ázirligi tekserildi.

Búgingi tańda óndiristik bazalardy, qazan­dyqtardy, jylyný pýnktteri men qoımalardy jóndeý jumystary aıaqtalýǵa jaqyn. Munymen qosa, tehnıkany qysqy kezeńge daıyndaý jumystary jalǵasyp jatyr. Qysqy kezeńde jumys isteıtin tehnıkanyń jalpy sany 1085 bolsa, olardyń 123-i birligi jóndelýde. Tehnı­ka daıyndyǵy 91%-dan asady.

Joldardy qysqy kezeńge daıyndaý shara­larynyń mańyz­dy bóligi kóktaıǵaq sııaqty quby­lys­tarǵa jedel den qoıýǵa qajetti materıaldardy daıyndaýǵa baılanysty bolady. Taıǵaqqa qarsy materıaldar dóńderi, burylystary jáne eńis­teri bar asa qaýipti joldarǵa shyǵa­ry­lady. Kásiporynnyń kúshimen eńister men rezervterdi aǵashtar men buta­lardan, jol jıekterin shópten tazartý jumystary júrgizildi. Jolshylar ýaqytsha «Taıǵaq jol», «Jyldamdyqty shekteý» sııaqty belgi­lerdi, sondaı-aq qardan qorǵaý qal­qandaryn daıyndady. О́ńirlerdiń klımattyq jaǵdaılaryna sáıkes sý ótkizgish qubyrlardyń tesikterin jabý jumystary júrgizilip jatyr.